Skip to main content

Еңбек министрі ең төменгі еңбекақыны 72 мың теңгеге дейін көтеруді ұсынды

Қазіргі таңда ол 42,5 мың теңгені құрайды

Фото: Shutterstock

Қазақстанда ең төменгі еңбекақыны орташа еңбекақының 30%-на дейін көтеру керек, деп есептейді еңбек және халықты әлеуметтік қорғау министрі Біржан Нұрымбетов. Бұл турасында ол 30-қаңтарда журналистерге мәлімдеді.

Қазіргі таңда республикадағы ең төменгі еңбекақы 42,5 мың теңгеге немесе 181 мың теңгені құрайтын орташа еңбекақының 23,5%-на тең.  

«Мұның экономикадағы нақты қанша адамға қатысты болатыны, біздің ең төменгі еңбекақыны қандай мөлшерге көтеретінімізге байланысты болады. Әзірше, біз оны кезең-кезеңмен көтеру нұсқасын есептеп жатырмыз, 2023 жылға қарай, ол еліміздегі орташа еңбекақының 30%-дан кем емес сомасын құрауға тиіс. Біз ол кезге қарай, орташа еңбекақы, шамамен, 224 мың теңге болады деп болжап отырмы, ендеше, ең төменгі еңбекақы 72 мың теңге болуға тиіс», – деді Нұрымбетов.

Сонымен қатар, ол үкіметтің кеңейтілген мәжілісінде президент те ең төменгі еңбекақыны көтеру қажеттігін айқанын атап өтті. Қазіргі таңда ұлттық экономика және еңбек министрліктері мұны қалай жүзеге асырудың жолдарын қарастырып, қажетті есептеулерді жүзеге асырып жатыр. 

«Біз қазір ең төменгі еңбекақыны кезең-кезеңмен көтерудің нұсқаларын қарастырып жатырмыз. Неге есептейміз? Өйткені бюджет шығындары осыған байланысты. Біз ең төменгі еңбекақыны көтергенде, кесте бойынша бюджеттегі барлық қызметкерлердің еңбекақысы да көтеріледі», – деді министр.

Ең төменгі еңбекақаыны көтергенде, экономиканың барлық саласындағы еңбекақыдан салық салынбайтын ұстап қалулар да өседі. Бұл жеке табыс салығы бойынша бюджетке түсетін табыстың азаюына әкеліп соғады.

«Сондықтан біз осыны есепке алып, бірнеше нұсқа дайындап жатырмыз, содан кейін оны үкімет отырысында қарастырамыз. Ол кімге қатысты болады? Әлбетте, бұл түрлі сипатта біздегі 1,2 млн бюджет еңбеккерлеріне қатысты болады», – деді Нұрымбетов.

Ол білім беру жүйесіндегі еңбекақы 2020 жылғы қаңтардан 25%-ға көтерілгенін еске салды. Сонымен қатар, бұл жеке секторға да қатысты болады, атап айтқанда, жұмыс уақытының жиынтығын есепке алатын және разрядаралық коэффициенттер бар өндірістік кәсіпорындарына. 

Министрдің пікірі бойынша, ең төменгі еңбекақының көтерілуі есебінен, қазақстандықтар бизнес тарапынан ұсынылатын тауарлар мен қызметтерге көбірек қаржы жұмсау мүмкіндігіне ие болады, нәтижесінде, кәсіпкерлер бюджетке төлейтін салықтар да көбейеді.

banner_wsj.gif

Түркістан облысындағы алғашқы науқас вирусты қайдан жұқтырған?

Ол Нұр-Сұлтаннан Жетісайға жеткенше 16 адаммен қарым-қатынас жасаған

Фото: Facebook

Коронавирус жұқтырған науқас Түркістан облысы, Жетісай ауданының тұрғыны болып шықты, деп жазады Түркістан облысы әкімінің орынбасары Сәкен Қалқаманов өзінің  Facebook парақшасында. 

"Мәліметке сай, 27 наурыздан бері қызуы көтеріліп ауырған. Жетісай аудандық орталық ауруханасының жұқпалы аурулар бөліміне 30 наурыз күні қаралған.Науқас 21 наурыз күні Нұр-Сұлтан қаласынан Павлодар-Қызылорда бағытындағы поезбен Қарағандыға келіп, 6 сағаттай аялдап, Шымкентке Петропавл-Қызылорда бағытындағы поезбен келген. Ары қарай жеке көлікпен Жетісай қаласына жолға шыққан",- деп жазады Сәкен Қалқаманов. 

Әзірге анықталғаны науқаспен 16 адам қарым-қатынаста болған. 5 адам Нұр-Сұлтан қаласында байланыста болса,  11 адам Жетісай қаласының тұрғындары. 

"Өзге де байланыста болған адамдар анықталуда", -деді әкімнің орынбасары. 

Соңғы ресми мәлімет бойынша, Қазақстанда барлығы 348 адам кронавирус инфекциясын жұқтырған.   

banner_wsj.gif

drweb_ESS_kursiv.gif