Skip to main content

Болат Бақауовтың үстінен қылмыстық іс қозғалды

Ол өкілеттігін асыра пайдаланды деген күдікке ілінген

Фото: instagram.com/pavlodar_region

ҚР Ұлттық қауіпсіздік комитеті Павлодар облысының әкімі Болат Бақауовқа қатысты пікір білдірді.

«Ағымдағы жылғы 15-қаңтарда Ұлттық қауіпсіздік комитеті тарапынан Павлодар облысының әкімі Болат Бақауовқа қатысты лауазымдық өкілеттерін асыра пайдалану фактісі бойынша ҚР Қылмыстық кодексінің  362 бабының 2-бөлімі 3-тармағына сәйкес тіркелген қылмыстық істің аясында жедел-тергеу шаралары жүзеге асырылды», - деп хабарлады ұлттық қауіпсіздік комитетінің баспасөз қызметі

Сонымен қатар, қазіргі таңда тергеу амалдарының жалғасып жатқаны хабарланды. Тергеу мүдделеріне сәйкес басқа мәліметтер жарияланбай отыр.

Естеріңізге салсақ, 15-қаңтарда әлеуметтік желілерде Болат Бақауов пен Арыстан Қабыкеновтың сыбайлас жемқорлық құқық бұзушылығын жасады деген күдікпен қамауға алынғаны және облыстық әкімдікте тінтулер жүргізілгені туралы ақпарат тараған болатын. 
 

banner_wsj.gif

42500 теңге: миллионнан аса өтініш келіп түскен

Олардың арасында 500 мыңнан аса айлық алатындар да болған

Фото:кursiv.kz

Қазіргі кезде 938 мың адам 42500 теңге төлем алуға 1,2 млн өтініш берген. ҚР Еңбек және әлеуметтік қорғау министрі Біржан Нұрымбетов ОКҚ өткен брифингте әлеуметтік төлем жайын тағы да түсіндірді. 

«Біріншіден 42500 теңге – емлекеттік әлеуметтік сақтандыру қорынан төленетін әлеуметтік төлем. Ол жұмыс істеп, ресми, бейресми тіршілік жасап жүрген азаматтарға, бірақ төтенше жағдайға қатысты табысынан айырылған адамдарға қарастырылған», – деді министр. 

Нұрымбетов жүйе әр адамды автоматты түрде тексеретінін айтып өтті. Қазір кезде  egov.kz және 42500.enbek.kz сайттары тұрақты жұмыс істеп тұр, арнайы телеграм- бот іске қосылады. 

"Telegram-бот бүгін іске қосылды. Ол дайын. Бірақ оны кішкене кешіктірдік. Өкінішке қарай, кейбір "ақылды кісілер" көптеген фейк, жалған Telegram-боттарды жариялап, кішкене халықты жаңылыстырды", - деп қосып өтті Біржан Нұрымбетов.

Сонымен қатар министрдің айтуынша, бұл төлемге тек жағдайы қиындап кеткен кісілер ғана емес, 500 мыңдап айлық алып жүргендер де өтініш берген. 

"Алғашқы 4 мыңнан аса өтініш келіп түскен кезде, олардың 2 мыңға жуығы қаңтар, ақпан айларында 50 мыңнан аса айлық алып жүргенін анықтадық. Алайда 16 наурыздан кейін ақшасы қалмай қалыпты да, өтініш берген. Бұл енді дұрыс емес. Сондықтан сіздерден кешірім сұраймыз, бірақ сіздерге бұл ақша төленбейді",- деді министр. 

 

banner_wsj.gif

drweb_ESS_kursiv.gif