БҚО тұрғындары 139 млн теңге жәрдемақыны заңсыз алған

Олар өздерінің нақты табысын жасырған

Фото: Shutterstock

Осы жылдың басына қарай, 261 отбасы заңсыз алынған ақшаның 24,4 млн теңгесін өз еркімен қайтарған. Қалғандары алынған жәрдемақыны сот шешімімен және мәжбүрлі түрде мемлекеттік орган бекіткен кестеге сәйкес қайтаруда. 

БҚО бойынша еңбекпен қамтуды және әлеуметтік бағдарламаларды үйлестіру басқармасында түсіндіргендей, 2019 жылдың қорытындылары бойынша, облыстағы 3046 отбасы ешқандай негіз болмаса да атаулы әлеуметтік көмекті (АӘК) алуға қол жеткізген. Жәрдемақы алуға құжат тапсырғанда бұл отбасылары өздерінің нақты табысын жасырған. Олар еңбекақы жөніндегі анықтамадағы соманы азайтып көрсеткен, отағасының жеке кәсібі бар екенін екөрсетпеген.

2019 жылы БҚО-да АӘК алу үшін отбасындағы әр адамның табысы күнкөріс шегінен аспау керек болатын: әр адамға айына 19 109 теңгеден айналу керек (өткен жылғы IV-тоқсанның қорытындысы бойынша).

БҚО бойынша Еңбекпен қамтуды және әлеуметтік бағдарламаларды үйлестіру басқармасының бастығы Алтай Құлқаев АӘК-ті заңсыз алып келген отбасыларына төлемдер жасау тоқтатылғанын, ал бұрын тағайындалғандарының қайта есптелінгенін айты. Соның нәтижесінде, БҚО-дағы 1250 отбасы бұрын заңсыз алынған 139 млн теңге сомасындағы жәрдемақыны бюджетке қайтаруы керек. 

261 отбасы өз еркімен 24,4 млн теңгені қайтарды. Тағы 413 отбасы біртіндеп өз берешегін өтеуде, 2020 жылғы қаңтарда олар 34,5 млн теңгені қайтарды.

Еңбекпен қамтуды және әлеуметтік бағдарламаларды үйлестіру басқармасының мамандары 40 отбасын сотқа беруге мәжбүр болған, қазір оларға жәрдемақы ретінде төленген 6 млн теңге мәжбүрлі түрде өндіріліп алынуда.
 

Алтай Құлқ аев 2019 жылы БҚО-да 12 556 отбасына (бұл 60 804 адам, оның ішінде 34 840 балалар) 6,7 млрд теңге сомасында мемлекеттік жәрдемақы төленгенін еске салды. АӘК-ті алушылар арасында 3 429 көпбалалы отбасылар бар, оларда 15 430 бала лентәрбиеленуде.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg