Skip to main content

Апатқа ұшыраған Bek Air жолашылары мемлекеттік өтемақыны әлі күнге дейін алмаған

Президент Алматы түбіндегі авиаапаттан зардап шеккендерге берілетін төлемдерді еске салды

Фото: Аскар Ахметуллин

Қасым-Жомарт Тоқаев Алматы әуежайында Bek Air авиакомпаниясы ұшағының апатқа ұшырауы салдарынан зардап шеккендерге өтемақы төлеу жөніндегі жағдайға назар аударды.

«Маған зардап шеккендерден хаттар келіп жатыр, олар ақшалай өтемақы алмаған, адамдар ауруханаларда жатыр, кейбіреулері еңбекке жарамсыз болып қалды. Осыған байланысты не істелініп жатыр?», - деп сұрады мемлекет басшысы премьер-министрдің орынбасары Роман Склярдан.

«Сіздің такпсырмаңыз бойынша, қаза болғандардың отбасына төрт миллион теңгеден төленді. Бұдан бөлек, осы рейсте болған барлық жолаушылардың барлығы сақтандырылды.  Сақтандыру компаниясы Жақын арада төлемдер жасайтын болады. Барлық қажетті қағаздар рәсімделген. Мұның бәрі біздің бақылауымызда», - деді Скляр.

Сонымен қатар, ол мемлекет тарапынан жасалатын өтемақы туралы да айтты.

«Барлығы 52 адам зардап шекті. Олар түрлі аймақтардың өкілдері. Оларға жергілікті атқару органдары мен еңбек және әлеуметтік қорғау тарапынан көмек көрсетіледі. Бұл қосымша шара ретінде», - деп қосты сөзін нақтылай түскен үкімет басшысының орынбасары.

Қасым-Жомарт Тоқаев осы істі жеделдетіп, аталмыш мәселені жақын уақытта шешуді тапсырды.

«Бек Эйр» авиакомпаниясының Fokker-100 жолаушылар ұшағы 2019 жылғы 27-қаңтарда (07.22, Алматы – Нұр-Сұлтан бағытындағы №Z2100 рейсі) Алматы маңында аспанға көтерілісімен бірден апатқа ұшырады. Апат салдарынан 12 адам қаза болды, оның ішінде экипаж командирі бар, 49 адам зардап шеккен. Әуе кемесінің бортында 93 жолашы  және экипаждың 5 мүшесі болған. Апаттың алдын ала себебі – мұз қату.
 

banner_wsj.gif

Елорданың үш мыңға жуық тұрғыны жәрдемақыға өтініш берген

Қызметкерлердің өтінішін арнайы штаб қарастырып жатыр

Фото: Аскар Ахметуллин

Қазіргі кезде төтенше жағдайға байланысты табысынан айырылып қалған 31 жұмыс берушінің 317 қызметкеріне  42500 теңге тағайындалған.  Сонымен қатар 2828 адамның өтінішін арнайы комиссия қарап жатыр. Бұл туралы орталық коммуникациялар қызметінде өткен брифингте Нұр-Сұлтан қаласы әкімінің орынбасары Бақтияр Мәкен мәлім етті. 

"Жұмыссыз қалған азаматтарға бүгіннен бастап тиісті  жұмыс орталықтарында  онлайн арқылы  төлем беру басталады. 300-ден аса өтініш түскен болатын. Солардың бәріне, жүмысынан айырылған азаматтарға, жұмыскерлерге  беріледі  Оның көлемі 42 500 теңге көлемінде бекітілген. Мемлекет дегеніміз сіз бен біз. Біз бір бірімізді қиын-қыстау кезеңде ешқашан ұмыт қалдырмаймыз. Әлеуметтік аз қамтылған отбасылар мен мұқтаж азаматтарға азық-түлік, дәрі-дәрмек уақтылы жеткізіліп жатыр",- деді әкімнің орынбасары. 

Оның айтуынша, Үкімет осы мәселеге қатысты арнайы ережелер қабылдады. Елордада ақысыз демалысқа жіберілген азаматтарға Мемлекеттік әлеуметтік сақтандыру қорынан төлем тағайындау басталды. Нүр-Сұлтанда  осы мәселемен тікелей айналысатын штаб құрылған, оның құрамына "Атамекен" өңірлік кәсіпкерлер палатасы, кәсіподақ комитеті, мемлекеттік органдар, жұмыспен қамту басқармасы және басқа да ұйымдардың өкілдері кірді.

Бақтияр Мәкеннің айтуынша, төлемдер бойынша барлық мәселелер бойынша штабқа хабарласуға болады. 

"Барлық өтініштер онлайн-режимде қабылданады. Онлайн-кеңес беру  55-14-87, 55-01-74 және 55-69-59 телефондары арқылы жүргізіледі, немесе жұмыстан босап қалған қызметкерлерді тіркеу мәселелеріне қатысты колл-орталыққа тәулік бойы хабарласа аласыз. Сонымен қатар қала әкімдігінің ресми сайтына да", - деді Мәкен.

23 наурыз күні  төтенше жағдай жөніндегі мемлекеттік комиссия отырысында Президент  төтенше жағдай кезінде табысынан айырылғандарға ең төменгі жалақы мөлшерінде, яғни 42500 теңге жәрдемақы төлеуді тапсырған болатын. 

COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді, ол 15 сәуірге дейін жалғасады және қажет болған жағдайда мерзімі ұзартылуы мүмкін. 19 наурыздан бастап Нұр-Сұлтан мен Алматы карантинге жабылды. 28 наурыздан бастап карантин шаралары күшейтіліп, қос қаладағы барлық ұйымдар мен кәсіпорындар 30 наурыз - 5 сәуір аралығында жұмысын уақытша тоқтатты. 

 

banner_wsj.gif

drweb_ESS_kursiv.gif