2019 жылы мемлекет қазынасынан 5 млрд теңге ұрланған

Оның басым бөлігі қазынаға қайтарылыпты

Фото: пресс-служба АПК

Сыбайлас жемқорлыққа қарсы іс-қимыл агенттігі бірінші департаментінің аға тергеушісі Данияр Биғайдаров ведомствада өткен брифинг барысында бюджет қаражатын жымқыру фактілері туралы айтып берді.

«2019 жылы сыбайлас жемқорлыққа қарсы қызмет өндірісінде қаржы жымқыру фактілері бойынша 455 қылмыстық іс қозғалды, оның 192-і сотқа жіберілді (...). Осы қылмыстардан қазынаға келтірілген шығын бес млрд теңгені құрады. Қазіргі кезде соның 4 млрд теңгесі мемлекетке қайтарылды», – деді Биғайдаров.

Спикердің айтуынша, аталмыш қылмыстардың көпшілігі тендер бөлуге, заңсыз шарттар жасауға, орындалған жұмыстардың жалған актілеріне қол қоюға, жалақыны және іс-сапар шығындарын заңсыз есептеуге байланысты болған. Бұл ретте, барлық салаларда қаржы жымқырылғаны анықталған. 

Агенттік мәліметтері бойынша, 2017-2019 жылдарда қызметтің өндірісінде әртүрлі салалар мен ұйымдардағы қаржы ұрлау фактілері бойынша 1,5 мыңға жуық сотқа дейінгі тергеу өткен. Олардың 85% -ы сотқа жіберіліпті. Бұл санаттағы қылмыстардан  үш жыл ішінде қазынаға келтірілген шығын 15 млрд теңгеден асып, оның 10 млрд-тан астамы өтелген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg