Тұрғын үй саласында сыбайлас жемқорлықты көбейтетін негізгі факторлар аталды

Жергілікті әкімдіктер мен аккредитациялық комиссияның қызметі ашық емес

Фото: пресс-служба антикоррупционного ведомства

ҚР Сыбайлас жемқорлыққа қарсы іс-қимыл агенттігі превенция департаментінің басшысы Анар Жарова тұрғын үй құрылысы саласындағы сыбайлас жемқорлықты көбейтетін негізгі мәселелерді айтып өтті. 

«Құрылыс және тұрғын үй-коммуналдық шаруашылық істері комитетінің бақылау қызметінде жемқорлық тәуекелдері жоғары. Талдау  нәтижесі комитетте тексерісті жүзеге асыру, әкімшілік іс жүргізу және нұсқамаларды ресімдеу бойынша ішкі актілер мен әдістемелердің жоқтығын көрсетті»,– деді Жарова.

Сонымен қатар, осы саладағы түйкілді мәселенің бірі  – аккредитациялық комиссияның қызметі шартты, оның құрамындағы сарапшылар мен ұйымдардың үлесте болуы.

«Жобаларды ведомстводан тыс мемлекеттік сараптау» РМК қызметіне келер болсақ, мұндағы негізгі мәселе –  жобаны сараптау кезеңдерін реттейтін ішкі актілердегі құқықтық олқылықтар. Жемқорлыққа жол беру мүмкіндігі сараптаманың барлық сатыларында орын алған: ол құжаттаманы қабылдау және шарт жасасу кезінде, оны орындау барысында, сондай-ақ, қорытынды шығару кезінде туындайды», – деді ол.

Сондай-ақ жергілікті атқарушы органдардың тұрғын үй саласына қатысты қызметіне талдау жүргізілген. Халықты, көбінесе, тұрғын үй кезегі тізімін жасақтау және  тұрғын үйді бөлу кезінде ашықтықтың болмауы алаңдатады. 

«Тұрғын үйді жекешелендіруде де жемқорлыққа жол берілуі мүмкін. Осы қызметті алу үшін өтініш берушінің бүкіл құжаты Әділет және Қаржы министрлігі, жер қатынастары, сәулет және құрылыс, әлеуметтік қорғау саласының базасында болса да, қағаз жүзінде өткізу талап етіледі», – деп қосып өтті Жарова.  

Спикер өз сөзін қорытындылай келе, барлық талданған бағыттар бойынша тиісті ұсыныстар әзірленгенін айтып өтті. Талдау объектілерімен бірге анықталған тәуекелдерді жою бағытында жоспар жасалған. 


 

banner_wsj.gif

Әлем елдерінің парламентінде гендерлік теңдік сақтала ма?

Соңғы 25 жылда әйелдердің үлесі 2 есе өскен

Фото: Асқар Ахметуллин

Соңғы 25 жылда парламенттегі әйелдердің үлесі екі есе өскен. Халықаралық парламент одағының (Inter-Parliamentary Union) мәліметі бойынша, бүкіл әлемдегі сайланбалы заң шығарушы органдардағы орынның 25 пайызы әйелдерге тиесілі. 

1995 жылдары парламенттегі әйелдердің үлесі бойынша Скандинавия және басқа да дамыған мемлекеттер көшбасшы болып, бірінші орында Швеция тұрған. Қазіргі кезде парламенттегі әйелдер саны бойынша Шығыс Африкада орналасқан Руанда көш бастап тұр. 

Төменгі палатадағы депутаттық 80 орынның 49-ын әйелдер иеленген, соның ішінде 24 орын әу баста-ақ әйел адамдар үшін арнайы квота ретінде бөлінеді. Дүниежүзілік экономикалық форумның байламы бойынша, 2015 жылы Руанда Үкіметі әлемдегі ең нәтижелі биліктің ондығына енген.

Куба Республикасының бір палаталы парламентіндегі 605 депутаттың 322-і – әйелдер, бұл мемлекетте биліктегі әйелдердің үлесі өте жоғары. Одан кейінгі орында Боливия тұр, онда парламен төменгі палатасының 53,3 пайызын әйелдер құрайды. 2019 жылдан республиканы ел тарихындағы алғашқы әйел-президент Жанин Аньес басқарып келеді. 

Ал төртінші орында – Біріккен Араб әмірліктері. Бұл елде парламеттің қызметін ұлттық аймақтық кеңес атқарады, онда президент резолюциясы бойынша әйел адамдарға 50 пайыз квота бөлінген. БАӘ ұлттық кеңесі – заң шығарушы орган емес. Тек заңды талқылау мен оған өзгертулер мен толықтыру енгізуге құқылы. 

Ал Швеция қазір жетінші орынға түсіп кеткен. Ел парламентіндегі әйелдердің үлесін арттыру бағытында соңғы ширек ғасырда Оңтүстік және Солтүстік Америка елдері қарқынды дамыды. Бұл ретте Тынық мұхиты аймағындағы мемлекеттерде алға жылжу аз. Мәселен, Папуа-Жаңа Гвинея және Вануату сынды мемлекеттердің парламентінде әйел адамдар мүлдем жоқ. 

Ал ТМД елдері арасында парламенттегі әйелдер саны бойынша бірінші орында Беларусь келеді, ал әлем елдері арасында –22 орында. Бұл елде парламент төменгі палатасындағы әйел депутаттардың саны 40 пайызды құрайды.

aiel.png

Осы ретте әйелдердің сайлау процесіне қатысуы елдегі саяси еркіндіктің кепілі бола алмайтынын айта кеткен жөн. Айталық, Руанданың өзі Freedom House тұжырымы бойынша, еркіндік рейтингіндегі 100 балдың тек 22-сін жанап, еркіндік жоқ елдердің қатарына кірген. Ал Араб әмірліктеріндегі еркіндік деңгейі 17 баллға бағаланса, Куба Республикасында тіптен төмен – бар-жоғы 14 балл. 

Кейбіл елдерде парламенттегі әйелдер санының артуын арнайы квота енгізілуімен түсіндіруге болады. Парламентаралық кеңестің бас хатшысы Мартин Чунгонг  квота енгізілген елдерде әйелдер өз қабілеттерін барынша көрсете алатынын атап өткен.

Әйелдердің сайлау процесіне қатысуына кепіл берілуі көптеген елдерде өз нәтижесін беріп келеді. Биліктің сайланбалы органдарында әйелдер үшін арнайы квота бөлу тәжірибесі әлемнің 104 елінде қолданылады. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg