Серік Ахметов мерзімінен бұрын шартты бостандыққа шықпайды

Қарағанды облысының соты оның бұлтартпау шарасын бұрынғы қалпында қалдырды

Фото из открытых источников

Қарағанды облысы сотының сот алқасы бірінші инстанциядағы сот қаулысын өзгеріссіз қалдырды және Серік Ахметовке мерзімінен бұрын шартты бостандыққа шығуға және  мемлекеттік қызметке жұмысқа орналасу құқығын қайтаруға рұқсат бермеді, деп хабарлайды Kursiv.kz тілшісі. 

«Сот алқасы Қазыбек би аудандық сотының қаулысын өзгеріссз қалдырды», - деп хабарлады Қарағанды облыстық сотының баспасөз қызметі.

Естеріңізге салсақ, ағымдағы жылғы қазанда Серік Ахметов бас бостандығын шектеу түріндегі жазасының өтелмеген бөлігін мерзімінен бұрын шартты бостандыққа шығаруға алмастыруға өтініш білдірген болатын.Сонымен қатар, ол соттан өзіне қосымша жаза ретінде қолданған  мемлекеттік қызметте жұмыс істеу құқығынан айыруды алып тастауды сұраған еді.

Қазыбек би аудандық соты оның өтінішін қанағаттандырудан бас тартты.

2015 жылғы желтоқсанда еліміздің экс-премьер-министрі Серік Ахметов мүлкі тәркіленіп,  10 жылға бас бостандығынан айыруға сотталған болатын. Сот оны сыбайлас жемқорлық қылмысын жасағаны, оның ішінде,  аса ірі көлемде бюджет қаржысын жымқырғаны, қызметтік лауазымын теріс мақсатта пайдаланғаны және заңсыз кәсіпкерлікпен айналысқаны үшін айыпты деп таныды. 

Істі сотта қарау кезінде ол мемлекетке 2,2 млрд теңге сомасындағы залалды өтеді. Одан кейін апелляциялық алқа оның үкімін сегіз жылға дейін жұмсартты. 2017 жылғы қаңтарда Серік Ахметов жазасының мерзімі рақымшылыққа сәйкес азайтылды. Жазаның өтелмеген бөлігі бір жыл жеті ай 11 күнге қысқарды. Кейінірек, жаза шарасы бостандықты шектеумен алмастырылды, сөйтіп, 2017 жылғы  қыркүйекте ол бостандыққа шықты. 


 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg