Skip to main content

Қазақстанның экологиясы ең нашар аймақтары – Қарағанды және Павлодар облыстары

Атмосфераға шығарылатын қалдықтардың 50 пайызы осы екі аймаққа тиесілі

Фото: Shutterstock

ҚР Экология, геология және табиғи ресурстар министрі Мағзұм Мырзағалиев Қазақстанның экологиясы ең ластанған аймақтарын атады

«2018 жылдың қорытындысы бойынша, атмосфераға шығарылған зиянды заттардың нақты эмиссиясы 2,5 млн тоннаны құрады, жыл сайын ол 100 мың тоннаға артып келеді. Соның ішінде, электр энергиясын өндіру стансаларына (көмір ЖЭС-тері) 940 мың тона тиесілі болса, тау-кен саласы 760 мың тонна зиянды қалдық шығарады. Ал мұнай өндіру саласы – 520 мың тонна, көлік пен ауыл шаруашылық саласы – 320 мың тонна зиянды заттар шығарған», – деді Мырзағалиев.  

Министрдің айтуынша атмосфераға зиянды қалдықтар ең көп шығарылатын аймақтар – Қарағанды және Павлодар облыстары.

«Егер нақты шаралар қолға алынбаса, 2030 жылға қарай, ауаны ластайтын қалдықтардың эмиссиясы 3,6 млн тоннаға жетуі мүмкін», – деп қосып өтті бас эколог. 
 

banner_wsj.gif

Түркістан облысындағы алғашқы науқас вирусты қайдан жұқтырған?

Ол Нұр-Сұлтаннан Жетісайға жеткенше 16 адаммен қарым-қатынас жасаған

Фото: Facebook

Коронавирус жұқтырған науқас Түркістан облысы, Жетісай ауданының тұрғыны болып шықты, деп жазады Түркістан облысы әкімінің орынбасары Сәкен Қалқаманов өзінің  Facebook парақшасында. 

"Мәліметке сай, 27 наурыздан бері қызуы көтеріліп ауырған. Жетісай аудандық орталық ауруханасының жұқпалы аурулар бөліміне 30 наурыз күні қаралған.Науқас 21 наурыз күні Нұр-Сұлтан қаласынан Павлодар-Қызылорда бағытындағы поезбен Қарағандыға келіп, 6 сағаттай аялдап, Шымкентке Петропавл-Қызылорда бағытындағы поезбен келген. Ары қарай жеке көлікпен Жетісай қаласына жолға шыққан",- деп жазады Сәкен Қалқаманов. 

Әзірге анықталғаны науқаспен 16 адам қарым-қатынаста болған. 5 адам Нұр-Сұлтан қаласында байланыста болса,  11 адам Жетісай қаласының тұрғындары. 

"Өзге де байланыста болған адамдар анықталуда", -деді әкімнің орынбасары. 

Соңғы ресми мәлімет бойынша, Қазақстанда барлығы 348 адам кронавирус инфекциясын жұқтырған.   

banner_wsj.gif

drweb_ESS_kursiv.gif