Қазақстандықтар алимент бойынша 5,7 млрд теңге берешек

Бұдан бұрын, алимент өндіру жөніндегі 200 мыңға жуық істің сот орындаушыларының өндірісіне жіберілгені туралы хабарланған болатын

Фото: Shutterstock

Мәжілістің заңнама және сот-құқық реформасы комитетінің хатшысы Светлана Бычскова «Атқару өндірісі және сот орындаушыларының мәртебесі туралы» Заңды жетілдіру қажеттігі туралы мәлімдеді.

Депутат жеке сот орындаушылығы саласындағы қиындықтар тудыратын мәселелерді атап көрсетті.

«Бірінші — борышкерді оған қатысты өндіріс ашылғаны туралы хабардар ету. Іс жүзінде оған айыппұл салған өкілетті органдар да, сот орындаушылар да бұл турасында борышкерді хабардар етпейді. Нәтижесінде, борышкерлердің көпшілігі мұндай фактілер туралы тек шетелге шығарда, есеп-шоттары мен мүлкі бұғатталғанда ғана біліп жатады», — деп мілімдеді Светлана Бычкова мәжілістегі үкімет сағаты барысында.

Сонымен қатар, депутат орындаушылық өндірісті автоматтандырудың төмен деңгейін, сот орындаушылар біліктілігінің жеткілікті емес екендігін атап өтті. 

«Төртінші — сот орындаушылар қызметінің түрлі аспектілеріне шағымданулар. Мәселен, көп ретте, сот орындаушылар, тіпті, борышкердің мүлігі болса да ешқандай әрекет жасамайды. Сот орындаушылар әрқашан борышкерлерге заң ережелерін, өздерінің әрекеттерін  түсіндірмейді және орын алған қақтығыстарды реттеуге тырыспайды», - деді сөзін нақтылай түскен депутат.

Сондай-ақ орын алған қиындықтар арасынан Бычкова борышкерлердің орындау мерзімін ұзарту құқығын  теріс пайдаланатынын, орындау құжаттарын бөлу процедурасының жетілдірілмегенін және борышкерлерді жауапкершілікке тарту тетіктерінің тиімсіздігін атап көрсетті. Депутат алиментерді өндіру мәселесіне жеке тоқталды. 

«Ағымдағы жылдың қорытындылары бойынша 13 мыңға жуық алимент өндіру жөніндегі материалдар қиындықтар тудырған істер қатарына жатқызылған, олар бойынша берешек 5,7 миллиард теңгеден асып кеткен. Алиментті қасақана төлемейтіндерге ықпал ету тетіктерінің жеткілікті деңгейде тиімді емес екенін мойындау қажет».

Сөзін қорытындылаған депутат сот орындаушылығы саласының қолданыстағы заңнамасын кешенді түрде қайта қарау және жетілдіру қажеттігін атап көрсетті. 

«Сот актілерін орындаудың қолданыстағы тетіктері мен процедуралары сонау кеңес жылдарында жасалған, содан бері олар елеулі түрде жетілдірілген емес (…). Заң жеткілікті деңгейде біздің мемлекетте орын алып отырған жағдайды және халықаралық тәжірибені есепке алмайды. Соның салдары жетілдіруді талап етеді», - деп түйіндеді Бычкова.


 

banner_wsj.gif

Павлодар облысында коронавируспен күреске 2,8 млрд теңге бөлінді

Оған қоса, қауіпті індетке қарсы арнайы қор құрылған

Фото: Валерий Бугаев

Павлодар облысының әкімі Әбілқайыр Сқақовтың айтуынша, аймақта пандемиямен күреске барлық қаржы көздерінен 2,8 млрд теңге бөлінді. Оның ішінде 837 млн теңгеге қажетті материалдық-техникалық құралдар (мәселен, 23 өкпені жасанды желдету аппараты, 19 стационарлық монитор), 660 млн теңгеге дәрігерлерге арналған жеке қорғаныс заттары (мысалы, бір арнайы киімнің бағасы – 7500 теңге), 42 млн теңгеге медициналық бұйымдар сатып алынған. Оған қоса, 490 медицина қызметкеріне бір айлық еңбекақы көлемінде сыйақы беріліп, алдыңғы шепте жүрген ақ желеңділер бюджет қаржысы есебінен біраз уақыт бойы қонақ үйлерде тұрды. 

«Бүгінгі күні аса маңызды емес жобалар мен шаралардан бас тартып, облыстық бюджетті бірнеше рет нақтыладық. Соның нәтижесінде 15 млрд теңге үнемделді. Бұл қаржыны да пандемиямен күреске жұмсайтын боламыз. Мәселен, 1,5 млрд теңгеге қажетті дәрі-дәрмектер сатып алынады», - деді Әбілқайыр Сқақов. 

Сондай-ақ, елімізде төтенше жағдай режимі жарияланған тұста облыста коронавирусқа қарсы арнайы қор құрылған болатын. Осы уақытқа дейін бизнес өкілдері қорға 122 млн теңге аударып үлгерді. Бірақ қордағы бұл қаржы әлі күнге дейін жұмсалмаған көрінеді.  Оның қандай мақсатта, қашан, қандай көлемде бағытталатынын қамқоршылық кеңесі шешеді.  

Осындай қыруар қаржы қарастырылғанымен, павлодарлықтардың көбі қажетті дәрі-дәрмектерді таппай, шарқ ұрып жүр. Әлеуметтік желілерде медициналық препараттарды кез келген бағаға сатып алуға әзір екені жазылған хабарламалардан көз сүрінеді. Ал жергілікті билік болса, мәселе бір-екі күннің дересінде шешімін табады деп сендіріп отыр.

Облыс әкімі Әбілқайыр Сқақовтың айтуынша, күні кеше аймақтағы дәріханаларға 17 мың қорап парацетомол, 6,5 мың флакон цефтираксон мен Цеф-3 түсті. Таяу күндері облыстың қоймаларына 16 мың қорап антибиотик, 5 мың қорап вирусқа қарсы дәрілер, қызуды түсіретін 8 мың қорап препарат жеткізілмек. Сонымен қатар, жалпы сомасы 1,5 млрд теңге болатын 33 түрлі дәрі-дәрмекті алуға тиісті тапсырыс беріліпті. 
Өкінішке қарай, тұтынушылар тарапынан туындаған зор сұраныстан пайда таппақ болғандар бағаны негізсіз өсіріп, қымбатқа сатуда. Осы уақытқа дейін құқық қорғау органдары дәл осындай 11 фактіні анықтап, дәріхана өкілдері жауапкершілікке тартылды. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg