Қазақстанда жыл сайын мыңға жуық азамат ата-ана құқығынан айырылады

Олар – ішкілікке салынған және балаларын қараусыз қалдырған ата-аналар

Фото: Shutterstock

ҚР ІІМ ӘПК ювеналды полиция басқармасының бастығы Әсет Оспанов Орталық коммуникациялар қызметінде өткен баспасөз мәслихатында кәмелетке толмағандарға қатысты қылмыстың алдын алу мәселелеріне тоқталып өтті


«Ішкі істер органдарының  ұсынымхаты бойынша, жыл сайын мыңға жуық ата-ана өз құқығынан айырылады. Бұл екіұшты мәселе. Бір жағынан, кәмелетке толмаған баланы қорғау мақсатында біз оны отбасынан, ата-анасынан айырып, балалар үйіне орналастырамыз. Ал ата-анасы өзінің жат қылығын жалғастыра береді. Ал екінші қырынан алып қарасақ, мұндай отбасында бала зорлық-зомбылық көруі мүмкін, тіпті, өлімге әкеліп соққан жағдайлар да орын алған»,–деді Оспанов. 

Ата-ана құқығынан айыруға, негізінен, әке-шешесінің ішкілікке салынуы, тұрмыс жағдайының төмендігі, баланың қараусыз қалуы себеп. Бұндай отбасыларға дер кезінде көмек қолын созса, тығырықтан шығарып алуға болады. Алайда Оспановтың айтуынша, мұндай мәселелерді шешу ішкі істер органдарының құзіретіне кірмейді:

«Осыған байланысты біздің бастамамыз бойынша медико-әлеуметтік есеп жүргізу қолға алынды. Полицияның бақылауындағы азаматтар туралы деректер жергілікті атқарушы органдарға жіберіледі. Бұл – жергілікті әкімдіктер осы отбасылардың қиын жағдайдан шығуына барынша көмек беруі үшін істеліп жатқан шаруа». 

Сонымен қатар, спикер, ата-ана құқығынан айырмас бұрын, алдын алу шаралары жүргізілетінін айтып өтті. Содан кейін ата-ананы әкімшілік жауапкершілікке тарту мәселесі қойылады. Бұл шаралардың бәрі нәтиже бермеген жағдайда ғана кәмелетке толмағандардың ісін қарайтын комиссияға жолданады. Ата-ана бала тәрбиесімен еш айналыспайтынына көз жеткізгеннен кейін ғана, сот оларды ата-ана құқығынан айыру туралы шешім шығарады. 

banner_wsj.gif

Елорданың дәріханаларындағы дәрі бағасын арнайы топ қадағалайды

Дәрі-дәрмек адам басына 2-3 қаптамадан ғана беріледі

Фото:astana.gov.kz

Нұр-Сұлтан қаласы дәріханаларындағы дәрі-дәрмектің қолжетімділігін арнайы құрылған топ қадағалайды. Сонымен қатар дәрілік заттарды тарату адам басына 2-3 қаптамамен шектелген, деп хабарлайды әкімдіктің ресми сайты

Қаланың дәріханаларында пандемияға жағдайында қажетті дәрі-дәрмектердің болуын қадағалайтын мониторингтік топ елорданың бас мемлекеттік санитарлық дәрігерінің шешімімен құрылды. Топты Тауарлар мен қызметтердің сапасы мен қауіпсіздігін бақылау комитетінің департаменті кәсіпкерлік және инвестициялар басқармасы, «Қазақстан Республикасының фармацевтикалық қызметін қолдау және дамыту қауымдастығы» ЗТБ-мен бірлесіп құрды. 

Мамандар қаланың дәріханаларында дәрі-дәрмектердің қол жетімділігіне күнделікті мониторинг жүргізеді. 

Тізімде мынадай препараттар бар: «Тамифлю», «Кардиомагнил», «Аспирин», «Тромбо асс», «Аспирин-Кардио», «Ксарелто 15 мг», «Азитро 500 мг», «Азитрокс 500 мг», «Азитромицин 500 мг», «Азицин 500 мг», «Заха 500 мг», «Зитмак 500 мг», «Зитрокс 500 мг», «Сумамед 500 мг», «Амоксиклаб», «Аугментин», «Амоксиклав», «Клавам», «Флемоклав Солютаб», «Цефиксим», «Цефим», «Супракс солютаб», «Супракс 24», «Токсим-О», «Тамифлю», «Осельтамивир», «Инфлюцеин», «Флувир», «Номидес», «Ингавирин 90 мг», «Эргоферон», «Кагоцел», «Арпефлю», «Парацетамол», «Эффералган», «Панадол», «Нурафен», «Ибупрофен», «Новиган», «Миг 400», «Нимесулид». 

«Дәріхана ұйымдарының басшыларына Денсаулық сақтау министрлігінің бұйрығына сәйкес дәрі-дәрмектердің шекті бөлшек сауда бағаларын қатаң сақтау тапсырылды. Шешім дәріхана ұйымдары үшін міндетті болып табылады. Сонымен қатар бүгінгі күнге дейін әкімдік пен бөлшек сауда желісінің қауымдастықтары арасында дәрі-дәрмек жеткізілімін шектеу мақсатында әр сатып алушыға 2-3 қаптамадан асырмау туралы меморандум жасалды. «Емдеу кезінде препараттың дәл осындай мөлшері қажет, өйткені олардың жарамдылық мерзімі және сақтау шарттары бар», – деп хабарлады департаменттен.

9 шілдеге дейін бірқатар вирусқа қарсы, ыстық түсіретін дәрілер мен антибиотиктер елорда дәріханаларына жеткізіледі деп күтілуде. Сонымен қатар ыстық түсіретін дәрі-дәрмектердің тапшылығында олардың балама нұсқалары бар: «Панадол», «Эффералган», «Ибупрофен», «Ибуфен», «Миг», «Новиган», олар дәріханаларда бар. Коронавирус инфекциясының алдын алу үшін азаматтар санитарлық қауіпсіздік шараларын қатаң сақтау керек: маска, қолғап киіп, қолын сабынмен жуып, әлеуметтік қашықтық сақтау қажет.
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg