Skip to main content

Қазақстанда мыңдаған мектептер мен ауруханалар лаңкестік актілерден қорғалмаған

Мәжіліс депутаты осындай деректер келтірді

Фото: Shutterstock.com

Биыл тексерілген 10 мың нысанның 3,5 мыңы террористік актілерден қорғау талаптарына сәйкес емес. Бұл турасында бүгін қылмыстық жолмен алынған ақшаны заңдастыруға және терроризмді қаржыландыруға қарсы іс-қимыл мәселелері туралы заң жобасын талқылау барысында мәжіліс депутаты Татьяна Яковлева мәлімдеді.

«Бірінші кезекте, олар стратегиялық маңызды мемлекеттік нысандар, атап айтқанда, білім және денсаулық сақтау нысандары. Жыл сайынғы тексерулер анықталған кемшіліктердің баяу жойылатындығын көрсетіп отыр. Оның негізгі себебі – осы нысандарды қалдық принципімен қаржыландыру», – дейді депутат. 

Қаржы министрі Әлихан Смайылов оған жауап жауап ретінде, күштік құрылымдардың антитеррорлық қорғанысқа бағытталған шығындары күштік органдардың бюджеттік бағдарламалардың әкімшісі ретінде дайындаған тапсырыстарына сәйкес қарастырылады, дегенді алға тартты. 

Бұған шенеунік үкімет тарапынан діни экстремизм мен терроризмге қарсы іс-қимылдың бес жылдық бағдарламасы қабылданды дегенді қосты. Оны қажыландыруға 180 млрд теңгеге жуық қаржы бөлінген. Оның ішінде, 58 млрд теңге биылғы жылға бөлінсе, қалған жылдарға 36 млрд теңгеден бөлініпті. 

Бірақ оның жауабы мәжіліс спикері Нұрлан Нығматулинді қанағаттандырмады.

«Бюджеттік бағдарламалардың әкімшісі – ол не деген тәсілдеме, ақша сұраса біз береміз де сұарамаса – бермеймі бе? Олар антитеррорлық шараларды жүзеге асыруға міндетті, ал сіз оларды толық қаржыландыруға міндеттісіздер. Кім осыған бақылау жасайды? Барлығы солардың ниетіне тәуелді. Бұл мемлекеттік тәсілдеме емес. Кім осының барлығын қадағалайды?» – деп мәлімдеді спикер. 

«Біз сізден қатаң бақылау орнатуды өтінеміз – халықты түрлі қауіптерден қорғауға ақша бөлінді. Ал бізде ондай талап болмаса, бұл іске ешкім байсалды түрде қарамайды. Тараздағыдай, іс насырға шапқанда, барлығы байбалам сала бастайды. Алдын алу шараларын қолдану қажет, оның үстіне, өздеріңіз көріп отырсыздар, осы мәселе бойынша әлемде қандай тұрақсыздықтың орын алып отырғанын», – деді спикерге қолдау білдірген депутат Гүлжан Қарағұсова.

Қаржы министрлігі басшысының сөзін түйіндеген Нұрлан Нығматулин оған осы мәселені шешуде өзіне жүктелген вице-премьер құзырын пайдалануды ұсынды.

«Сіздер үкіметте нақтылап анықтаңыздар: қаржыландыру бар, ал егер орталықтағы немесе жергілікті жердегі орган басшысы  жауапкершілікті, қандай шара қолдану қажеттігін түсінбесе, көкесін көрсетіңдер, сіздер сол үшін үкіметте отырсыздар. Ақша бар, соны дұрыстап ұқсатыңыздар, сонда нәтиже болады», –деді Нығматулин.


 

banner_wsj.gif

Елорданың үш мыңға жуық тұрғыны жәрдемақыға өтініш берген

Қызметкерлердің өтінішін арнайы штаб қарастырып жатыр

Фото: Аскар Ахметуллин

Қазіргі кезде төтенше жағдайға байланысты табысынан айырылып қалған 31 жұмыс берушінің 317 қызметкеріне  42500 теңге тағайындалған.  Сонымен қатар 2828 адамның өтінішін арнайы комиссия қарап жатыр. Бұл туралы орталық коммуникациялар қызметінде өткен брифингте Нұр-Сұлтан қаласы әкімінің орынбасары Бақтияр Мәкен мәлім етті. 

"Жұмыссыз қалған азаматтарға бүгіннен бастап тиісті  жұмыс орталықтарында  онлайн арқылы  төлем беру басталады. 300-ден аса өтініш түскен болатын. Солардың бәріне, жүмысынан айырылған азаматтарға, жұмыскерлерге  беріледі  Оның көлемі 42 500 теңге көлемінде бекітілген. Мемлекет дегеніміз сіз бен біз. Біз бір бірімізді қиын-қыстау кезеңде ешқашан ұмыт қалдырмаймыз. Әлеуметтік аз қамтылған отбасылар мен мұқтаж азаматтарға азық-түлік, дәрі-дәрмек уақтылы жеткізіліп жатыр",- деді әкімнің орынбасары. 

Оның айтуынша, Үкімет осы мәселеге қатысты арнайы ережелер қабылдады. Елордада ақысыз демалысқа жіберілген азаматтарға Мемлекеттік әлеуметтік сақтандыру қорынан төлем тағайындау басталды. Нүр-Сұлтанда  осы мәселемен тікелей айналысатын штаб құрылған, оның құрамына "Атамекен" өңірлік кәсіпкерлер палатасы, кәсіподақ комитеті, мемлекеттік органдар, жұмыспен қамту басқармасы және басқа да ұйымдардың өкілдері кірді.

Бақтияр Мәкеннің айтуынша, төлемдер бойынша барлық мәселелер бойынша штабқа хабарласуға болады. 

"Барлық өтініштер онлайн-режимде қабылданады. Онлайн-кеңес беру  55-14-87, 55-01-74 және 55-69-59 телефондары арқылы жүргізіледі, немесе жұмыстан босап қалған қызметкерлерді тіркеу мәселелеріне қатысты колл-орталыққа тәулік бойы хабарласа аласыз. Сонымен қатар қала әкімдігінің ресми сайтына да", - деді Мәкен.

23 наурыз күні  төтенше жағдай жөніндегі мемлекеттік комиссия отырысында Президент  төтенше жағдай кезінде табысынан айырылғандарға ең төменгі жалақы мөлшерінде, яғни 42500 теңге жәрдемақы төлеуді тапсырған болатын. 

COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді, ол 15 сәуірге дейін жалғасады және қажет болған жағдайда мерзімі ұзартылуы мүмкін. 19 наурыздан бастап Нұр-Сұлтан мен Алматы карантинге жабылды. 28 наурыздан бастап карантин шаралары күшейтіліп, қос қаладағы барлық ұйымдар мен кәсіпорындар 30 наурыз - 5 сәуір аралығында жұмысын уақытша тоқтатты. 

 

banner_wsj.gif

drweb_ESS_kursiv.gif