Қазақстан Дубайдағы EXPO-ға 9 млрд теңге жұмсайды

Бұл қаржы республика бюджетінен бөлінген

Фото: Shutterstock/Cromo Digital

Сауда және интеграция министрі Бақыт Сұлтанов ОКҚ-дағы брифингте Дубай EXPO-сындағы Қазақстан павильонының құнын атады, деп хабарлайды Kursiv.kz тілшісі.

Бақыт Сұлтанов 2020 жылы Дубайда өтетін халықаралық EXPO көрмесіндегі қазақстандық павильонды дайындау жөніндегі жұмыстардың атқарылғанын хабарлады.

«Құны (павильонның. – «Курсив») – шамамен, 9 млрд теңге. (Қаржы. – «Курсив») бұрнағы жылдары бюджеттен бөлініп қойған», – деді Сұлтанов.

Осы орайда,оның айтуынша, бұл павильон көрме өткеннен кейін демонтаждалады және Қазақстан аумағына жеткізіледі. Оған жұмсалатын қаржы сол 9 млрд теңгеге кіреді. 

Мұнда, яғни Қазақстанда, ол павильон, министрдің айтуынша, аумақтардың бірінде немесе астанада өнімдерді көрсететін болады.

Бұдан бұрын, Қазақстан павильонын салуға 3,5 мың шаршы метр көлеміндегі жер учаскесінің бөлінгені туралы хабарланған болатын.

banner_wsj.gif

Павлодар облысында коронавируспен күреске 2,8 млрд теңге бөлінді

Оған қоса, қауіпті індетке қарсы арнайы қор құрылған

Фото: Валерий Бугаев

Павлодар облысының әкімі Әбілқайыр Сқақовтың айтуынша, аймақта пандемиямен күреске барлық қаржы көздерінен 2,8 млрд теңге бөлінді. Оның ішінде 837 млн теңгеге қажетті материалдық-техникалық құралдар (мәселен, 23 өкпені жасанды желдету аппараты, 19 стационарлық монитор), 660 млн теңгеге дәрігерлерге арналған жеке қорғаныс заттары (мысалы, бір арнайы киімнің бағасы – 7500 теңге), 42 млн теңгеге медициналық бұйымдар сатып алынған. Оған қоса, 490 медицина қызметкеріне бір айлық еңбекақы көлемінде сыйақы беріліп, алдыңғы шепте жүрген ақ желеңділер бюджет қаржысы есебінен біраз уақыт бойы қонақ үйлерде тұрды. 

«Бүгінгі күні аса маңызды емес жобалар мен шаралардан бас тартып, облыстық бюджетті бірнеше рет нақтыладық. Соның нәтижесінде 15 млрд теңге үнемделді. Бұл қаржыны да пандемиямен күреске жұмсайтын боламыз. Мәселен, 1,5 млрд теңгеге қажетті дәрі-дәрмектер сатып алынады», - деді Әбілқайыр Сқақов. 

Сондай-ақ, елімізде төтенше жағдай режимі жарияланған тұста облыста коронавирусқа қарсы арнайы қор құрылған болатын. Осы уақытқа дейін бизнес өкілдері қорға 122 млн теңге аударып үлгерді. Бірақ қордағы бұл қаржы әлі күнге дейін жұмсалмаған көрінеді.  Оның қандай мақсатта, қашан, қандай көлемде бағытталатынын қамқоршылық кеңесі шешеді.  

Осындай қыруар қаржы қарастырылғанымен, павлодарлықтардың көбі қажетті дәрі-дәрмектерді таппай, шарқ ұрып жүр. Әлеуметтік желілерде медициналық препараттарды кез келген бағаға сатып алуға әзір екені жазылған хабарламалардан көз сүрінеді. Ал жергілікті билік болса, мәселе бір-екі күннің дересінде шешімін табады деп сендіріп отыр.

Облыс әкімі Әбілқайыр Сқақовтың айтуынша, күні кеше аймақтағы дәріханаларға 17 мың қорап парацетомол, 6,5 мың флакон цефтираксон мен Цеф-3 түсті. Таяу күндері облыстың қоймаларына 16 мың қорап антибиотик, 5 мың қорап вирусқа қарсы дәрілер, қызуды түсіретін 8 мың қорап препарат жеткізілмек. Сонымен қатар, жалпы сомасы 1,5 млрд теңге болатын 33 түрлі дәрі-дәрмекті алуға тиісті тапсырыс беріліпті. 
Өкінішке қарай, тұтынушылар тарапынан туындаған зор сұраныстан пайда таппақ болғандар бағаны негізсіз өсіріп, қымбатқа сатуда. Осы уақытқа дейін құқық қорғау органдары дәл осындай 11 фактіні анықтап, дәріхана өкілдері жауапкершілікке тартылды. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg