Cирияда соғысқан қазақстандықтарға сот үкімі шықты

Олардың барлығы «Жусан» арнайы операциясының аясында елге қайтарылған болатын

Фото: Shutterstock

Сириядан қайтарылған 14 қазақстандықтардың ісі бойынша сот процесі аяқталды. Олардың барлығы терроризмді насихаттағаны және Сирия аумағында лаңкестік әрекеттерге қатысқаны үшін айыпталған еді, деп хабарлайды Kursiv.kz. тілшісі.

Үкімді сот Әділхан Шайхисламов жариялады. Ол атышулы сот процесіне қатысушыларды 8-ден 14 жылға дейін бас бостандығынан айырды. Ал мемлекеттік айыптаушы оларды 10-нан 17 жылға дейін бас бостандығынан айыруды сұраған болатын.

Тыңдаулардың ең жас қатысушысы – 25-жасар Тұрлан Әбілхайыров 11 жылға бас бостандығын айырылып, жазасын отраша қауіпсіз колонияда өтеуге кесілді. 

Осындай мерзімге 26-жасар Думан Сәдуақасов, 28-жасар Руслан Қуанов и 31-жасар Дәурен Сәбитұлы бас бостандықтарынан айырылды. Сот оларды террористік әрекеттерге қатысқаны ғана емес, сонымен қатар, дінаралық алауыздықты қоздырғаны үшін де айыпты, деп тапты. 
Ең «қатал» жаза - 14 жылды колонияда өткізу - 41-жасар Нұрлан Қамаловқа шығарылды, оның террористік ұйымға басшылық жасағанын Нұр-Сұлтан қаласының соты дәлелденді, деп таныды. 

13 жыл бас бостандығынан айырылуға 50-жасар Ғазинұр Бақытжанов пен 33-жасар Аманжол Жансеңгіров кесілді. Олар террористік ұйымның әрекеттеріне қатысқаны, ұрлық жасағаны, бас бостандығынан айыру орындарынан қашқаны және терроризмді насихаттағаны үшін айыпты, деп танылды. Олардың соңғысы, сонымен қатар, жалған ақша жасағаны және оны таратқаны үшін де айыпты, деп танылды. 

35-жасар Бахтияр Ибраев пен 32-жасар Данабек Төреханов тоғыз жылға бас бостандықтарынан айырылып, жазасын орташа қауіпсіз колонияды өтейтін болды.
Сот үкіміне сәйкес, 27-жасар Данияр Алтаев өмірінің алдағы 10 жылын орташа қауіпсіз колонияда өткізеді.

Ең «жұмсақ» үкім Жандос Ажмамбетовке, Абзал Амангелдіге, Ермұқан Айыпқалиев пен Алмас Нарбүтінге шығарылды. Сот оларды сегіз жылға бас бостандығынан айырды, жазаны олар орташа қауіпсіз колонияда өтейтін болады. Соттың мұндай шешімі олардың кінәсі бір тармақ – лаңкестік әрекеттерге қатысқаны үшін дәлелденгендіктен шығарылды. 

Атап айтсақ, олардың барлығы Қазақстанға «Жусан» арнайы операциясы аясында қайтарылған болатын-ды. Аталмыш операция Қазақстанның тұңғыш президенті Нұрсұлтан Назарбаевтың бастамшылығымен жүзеге асырылған еді. Оның аясында әскери әрекеттер аймағынан өз отанына 357 бала қайтарылды. Олардың қауіпсіздігін қамтамасыз ету – акцияның басты мақсатына айналды.
Осы жылғы мамырда мемлекет басшысы Қасым-Жомарт Тоқаев Сириядан тағы 231 қазақстандық азаматтың, оның ішінде, 156, эвакуацияланғаны туралы мәлімдеме жасаған болатын. Атап айтсақ елге жеткізілген балалардың көпшілігі, негізінен, мектеп жасына дейінгі бүлдіршіндер, ал олардың 18 тұл жетімдер. Үшінші операция аясында әскери әрекеттер аймағынан 171 бүлдіршін әвакуацияланған. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстан қай елден қандай гуманитарлық көмек алды?

2020 жылы Қазақстанның өзі құны 2,5 млн доллар болатын арнайы жүк жіберген

Фото: Офелия Жакаева

Мемлекеттік кірістер комитетінің гуманитарлық көмек ретінде жеткізілген жүк туралы мәліметінен Қазақстанның жарты жыл ішінде өзге елдерден құны 250,9 мың доллар  0,41 тонна дәрі-дәрмек алғанын байқауға болады. Салыстырар болсақ, 2019 жылы жалпы құны  $3,9 млн болатын 1,3 тонна дәрі жеткізілген. 

Сонымен қатар, кеден статистикасының «Киім-кешек және аяқ киім» бөлігінде көрсетілген гуманитарлық көмектік құны қатты өскен. Былтыр келген тауардың құны  $653 мың болса, биыл 6 айдың ішінде еліміз 2,9 млн доллар  тұратын киім-кешекті гуманитарлық көмек ретінде алып үлгерген. Ал салмақ бойынша салыстырсақ, биыл келген жүктің салмағы төмен. (биыл – 84 тонна, былтыр – 239 тонна). 

Қаржы министрлігінің мемлекеттік кірістер департаменті «Киім-кешек және аяқ қиім» бөлігіне биыл коронавируспен күресте алдыңғы шепте жүрген дәрігерлердің арнайы киімі кіргенін айтады. Қорғаныш киім тиелген ең үлкен гуманитарлық көмекті Қазақстанға Катар елі жіберген. Олар жалпы құны 1,6 млн доллар болатын 35 мыңнан аса арнайы қорғаныш киімдерін берген. 

Жалпы, осы жарты жылда  Қазақстанға жіберілген гуманитарлық көмек көлемі бойынша да Катар көш бастап тұр ($1 млн 719 мың). Ал екінші орында – Қытай ($838,5 мың), үшінші орында  Германия ($732 мың) келеді.

2020 жылдың алты айында республикаға құны 4,013 млн доллар гуманитарлық көмек келген. Салыстыру үшін айтар болсақ, 2019 жылдың жалпы көрсеткіші $9,873 млн құрайды. Былтыр Қазақстанға гуманитарлық көмек жібергендердің көш басында Германия болған, бұл ел $8,2 млн тұратын көмекті тегін жіберген. 

Қазақстан кімге көмек беріп жатыр?

Қазақстанның өзі биыл екі елге гуманитарлық көмек жіберген екен. Жалпы құны – $2,5 млн. Соның басым бөлігін ұн түрінде Тәжікстан алған. Бұл елге 1 млн 572 мың доллардың ұны гуманитарлық көмек ретінде жіберілген. Оған қоса, Денсаулық сақтау министрлігі жыл соңына дейін осы елге өкпені жасанды желдету шағын аппараттарының бір партиясын жіберуді жоспарлап қойған. Әзірге Ақмола облысында орналасқан отандық өндіруші өндіріс қарқынын арттырып болғанша, Қазақстан көршілеріне азық-түлікпен көмектесе тұрады. 

Биыл Ауғанстанға 2 мың тоннаға жуық азық-түлік: ұн, макарон өнімдері,  сүйық май мен қою сүт жіберілген. Оның жалпы құны  – $941,7  мың. Былтыр Қазақстаннан гуманитарлық көмек алғандардың арасында Ауғанстан жоқ, ал Тәжікстанға сол 5 мың тонна ұн жіберілген. Алайда ол  кезде жіберілген ұнның құны  $1 млн 269 мың болған. 

2 полоса_Гуманитарная помощь-01.jpg

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg