Skip to main content

Бизнесмен Ертаевтың ісі соттың қарауына берілді

Іс бойынша тыңдаулар 12- желтоқсанда басталады

Фото: Shutterstock.com

Алматының қылмыстық істер жөніндегі мамандандарылған ауданаралық сотында 12-желтоқсанда экс-банкир Жомарт Ертаевтың ісі бойынша алдын ала тыңдаулар өтеді. Бұл турасында Azattyq Rýhy хабарлады.

Сот Роман Селицкий басты сот отырысын өткізуге негіздеменің қаншалықты жеткілікті екенін шешеді, сондай-ақ ол тараптардың өтініштерін қарастырады. 

2019 жылғы қазанда «BANK RBK» Акционерлік қоғамы директорлар кеңесінің экс-төрағасы Жомарт Ертаевты қамауда ұстаудың тағы үш айға ұзартылғаны туралы хабарланған болатын.

Жомарт Ертаев Ресейде құрықталып, 2019 жылғы 15-наурызда Қазақстанға экстрадицияланған болатын. Ол 2011-2017 жылдарда басқа тұлғалармен алдын ала келісе отырып, қызметтік лауазымын пайдаланып, «BANK RBK» Акционерлік қоғамынан 144 млрд теңгені жымқыруды ұйымдастырды деген күдікке ілінген. 

Ертаевпен бірге ақша жымқыру бойынша 54 адам күдікке ілініп отыр, олардың арасында 40-тан астамы банктің топ-менеджерлері мен қатардағы қызметкерлері – бұдан бұрын экстрадицияланған банк акционері Бақыт Ибрагим, Мәжінов, Туғанбай, Едігенев, Мамырбеков, Шәріпов және тағы басқалары бар.

Тергеу барысындағы шараларды жүзеге асыру кезінде 15 млрд теңге өндірілді және 48 млрд теңгенің мүлігі бұғатталды. Қазіргі таңда арнайы прокурорлар істі тергеуді аяқтап, процеске қатысушылар материалдармен танысуда. 

Естеріңізге салсақ, сәуірде Ресей ЦентроБанкі мәскеулік Тройка-Д Банкінің лицензиясын қайтарып алды, ал 2018 жылдың қарашасына дейін бұл банк басқармасының төрағасы белгілі қазақстандық бизнесмен Жомарт Ертаев болған-ды. Ол осы несиелік ұйымның бес пайыздық үлесіне ие болған. Ресейлік қаржы реттеушісі хабарлағандай, лицензияны қайтарып алуға банк басшылығы тарапынан жіберілген көптеген ереже бұзушылықтар себеп болған.


 

banner_wsj.gif

Елорданың үш мыңға жуық тұрғыны жәрдемақыға өтініш берген

Қызметкерлердің өтінішін арнайы штаб қарастырып жатыр

Фото: Аскар Ахметуллин

Қазіргі кезде төтенше жағдайға байланысты табысынан айырылып қалған 31 жұмыс берушінің 317 қызметкеріне  42500 теңге тағайындалған.  Сонымен қатар 2828 адамның өтінішін арнайы комиссия қарап жатыр. Бұл туралы орталық коммуникациялар қызметінде өткен брифингте Нұр-Сұлтан қаласы әкімінің орынбасары Бақтияр Мәкен мәлім етті. 

"Жұмыссыз қалған азаматтарға бүгіннен бастап тиісті  жұмыс орталықтарында  онлайн арқылы  төлем беру басталады. 300-ден аса өтініш түскен болатын. Солардың бәріне, жүмысынан айырылған азаматтарға, жұмыскерлерге  беріледі  Оның көлемі 42 500 теңге көлемінде бекітілген. Мемлекет дегеніміз сіз бен біз. Біз бір бірімізді қиын-қыстау кезеңде ешқашан ұмыт қалдырмаймыз. Әлеуметтік аз қамтылған отбасылар мен мұқтаж азаматтарға азық-түлік, дәрі-дәрмек уақтылы жеткізіліп жатыр",- деді әкімнің орынбасары. 

Оның айтуынша, Үкімет осы мәселеге қатысты арнайы ережелер қабылдады. Елордада ақысыз демалысқа жіберілген азаматтарға Мемлекеттік әлеуметтік сақтандыру қорынан төлем тағайындау басталды. Нүр-Сұлтанда  осы мәселемен тікелей айналысатын штаб құрылған, оның құрамына "Атамекен" өңірлік кәсіпкерлер палатасы, кәсіподақ комитеті, мемлекеттік органдар, жұмыспен қамту басқармасы және басқа да ұйымдардың өкілдері кірді.

Бақтияр Мәкеннің айтуынша, төлемдер бойынша барлық мәселелер бойынша штабқа хабарласуға болады. 

"Барлық өтініштер онлайн-режимде қабылданады. Онлайн-кеңес беру  55-14-87, 55-01-74 және 55-69-59 телефондары арқылы жүргізіледі, немесе жұмыстан босап қалған қызметкерлерді тіркеу мәселелеріне қатысты колл-орталыққа тәулік бойы хабарласа аласыз. Сонымен қатар қала әкімдігінің ресми сайтына да", - деді Мәкен.

23 наурыз күні  төтенше жағдай жөніндегі мемлекеттік комиссия отырысында Президент  төтенше жағдай кезінде табысынан айырылғандарға ең төменгі жалақы мөлшерінде, яғни 42500 теңге жәрдемақы төлеуді тапсырған болатын. 

COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді, ол 15 сәуірге дейін жалғасады және қажет болған жағдайда мерзімі ұзартылуы мүмкін. 19 наурыздан бастап Нұр-Сұлтан мен Алматы карантинге жабылды. 28 наурыздан бастап карантин шаралары күшейтіліп, қос қаладағы барлық ұйымдар мен кәсіпорындар 30 наурыз - 5 сәуір аралығында жұмысын уақытша тоқтатты. 

 

banner_wsj.gif

drweb_ESS_kursiv.gif