АӘК алушылар 2020 жылы несие рәсімдей ала ма?

Бұл туралы Бірінші кредиттік бюро мамандары айтып берді

Фото: Shutterstock

Атаулы әлеуметтік көмек алатындардың несие рәсімдеуіне ешқандай шектеу жоқ, деп хабарлайды Бірінші кредиттік бюроның (БКБ) баспасөз-қызметі.  

Бюро мамандарының айтуынша, төлем қабілетін бағалауға қатысты жаңа талаптарға байланысты, АӘК алатындарды «несие ала аламыз ба» деген сауал алаңдатады. 

«Борыш жүктемесін есептеу кезінде, несие бойынша барлық төлемдер мен мерзімі өтіп кеткен қарыз есепке алынады. Бәрін қосқанда ол борышкер табысының 50 пайызынан аспауы тиіс. Егер несие алушы басқа да табыс көздерін көрсете алса, ал АӘК алушы өзінің төлем қабілетін зейнетақы жарнасы негізінде саналған кірісі, алатын жәрдемақысының көлемі, салық жарнасы немесе банк анықтамасы арқылы дәлелдей алады»,– деп түсіндірді БКБ атқарушы директоры Әсем Нұрғалиева.  

Оның айтуынша, БКБ Еңбек және халықты әлеуметтік қорғау министрлігімен бірлесе отырып, нарықты реттеушінің жаңа талабына дайындап, Еңбек минінен ақпарат алуды жеңілдеткен. 

«Бюро АӘК  алушылар туралы ақпаратты тек қана несие алушының рұқсатымен қаржы нарығына қазірдің өзінде ұсына алады. Ал бірінші және екінші кезеңдерді 2-3 секундта есептеп береді», – деді ол. 

Айта кетейік, несие бойынша шектеу табысы ең төменгі күнкөріс деңгейінен, яғни, 31 183 теңгеден аспайтындарды қамтиды.  Бұл ретте, несие алушының кәмелеттік жасқа толмаған балалары болса, төлем қабілетін есептеу кезінде олардың әрқайсысына ең төменгі күнкөріс шегінің жартысын санау керек.  Егер несие алушы бірінші кезеңнен өтсе, яғни төлем қабілетін растай алса, кредитор екінші кезеңге өтеді. Бұл кезеңде борыш жүктемесі коэффициентін есептеу ережелеріне сәйкес, несие сомасы мен ай сайынғы төлем көлемі анықталады. 

Кредиторлар қарыз жүктемесін ең төменгі 1 айлық жалақыдан (2020 жылы – 42500 теңге) асатын тұтынушылық несиенің бәрін есепке ала отырып есептейді.  

Ашық дереккөздерден алынған ақпарат  бойынша, 2020 жылдың 1 қаңтарына АӘК алушылардың саны 1,6 милионнан 900 мыңға дейін қысқармақ. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg