Skip to main content

2019 жылы Сыбайлас жемқорлыққа қарсы іс-қимыл агенттігі судьяларға қарсы 11 қылмыстық іс қозғаған

Алты іс бой бойынша сот үкімдері шыққан

Фото: Shutterstock

ҚР Сыбайлас жемқорлыққа қарсы іс-қимыл агенттігі 1-департаментінің аға тергеушісі Данияр Биғайдаров ведомстводағы брифинге кезінде «Фемида қызметшілеріне» қатысты қанша қылмыстық іс қозғалғаны туралы айтып берді.
 

«2019 жылдың өткен мерзімінде Сыбайлас жемқорлыққа қарсы іс-қимыл қызметінің өндірісінде судьяларға қарсы қозғалған 11 қылмыстық іс болған-ды. Олар Қостанай, Түркістан, Маңғыстау облыстары, сондай-ақ  Алматы және  Шымкент қалалары соттарының қызметкерлері. Алты қылмыстық іс сотқа жіберілді. Барлық алты іс бойынша сот үкімдері шықты, судьяларға жаза шаралары қолданылып, олар мерзімдерге бас бостандықтарынан айырылды», - деді Биғайдаров.

Журналистердің осы судьялардың үкімі сыбайлас жемқорлыққа қатысты қайта қарала ма, деген сұрағына аға тергеуші былай деп жауап берді:

«Егер судья қарастырылып отырған нақты әкімшілік, азаматтық немесе қылмыстық іс бойынша сыбайлас жемқорлыққа барды деген күдікее ілініп құрықталса, және судья қабылдаған шешімнің заңға қайшы екендігі наықталса, онда мұндай жағдайда қылмыстық іс (ҚР Қылмыстық кодексінің 418-бабы) қозғалады. Іс шеңберінде судья қабылдаған шешім қарастырылады және жаңа шығарылады».

banner_wsj.gif

Қазақстанның кейбір облыстарында су тапшылығы сезілуі мүмкін

Оған трансшекаралық өзен суының азаюы себеп

Жаңа егіс науқанының алдында еліміздің бірқатар аймақтарында су тапшылығы сезілуі мүмкін. Бұл туралы геология, экология және табиғи ресурстар министрі Мағзұм Мырзағалиев суармалы жердің ирригациялық инфрақұрылымын жаңғырту мәселесі қаралған үкімет отырысында мәлімдеді. 

Министр гидрологиялық болжам бойынша, биыл оңтүстік және батыс облыстарда су тапшылығы сезілуі мүмкін дейді. Бұған дейін ел үкіметі елімізде төтенше жағдай жариялануына байланысты азық-түлік қауіпсіздігін қамтамасыз етуді басым бағыт деп белгілеген еді. Осы орайда Мырзағалиев ауыл шаруашылық саласында жүрген шаруаларды қажетті сумен қатамасыз ету – осы міндеттің бір бөлігі деп тұжырымдайды.

«Осыған орай біз тиісті шараларды қабылдадық. Су қоймаларының жұмыс кестесі қайта қаралып, әзірленді. Оны дайындау барысында суармалы жерлерді сумен қамтамасыз ету есепке алынды. Қазіргі таңда су қоймалары толтырылып жатыр",- деді ол Үкімет отырысында. 

Қазақстанның трансшекаралық өзендері бастау алатын көрші елдер – Қырғызстан, Тәжікстан мен Өзбекстанда да су тапшылығы сезілуі жағдайды одан әрі ушықтырып тұр. Бұл өзендердің суы елдің оңтүстігі мен батысында ауыл шаруашылық мақсаттағы жерді суаруға пайдаланылады.

«Біз өз тарапымыздан өзбек, қырғыз және тәжік әріптестерімізбен тиісті  келіссөз жүргізіп жатырмыз. Біздің басты назарда – Сырдария, Шу, Талас өзендері және мемлекетаралық каналдар бойынша Түркістан, Қызылорда және Жамбыл облыстарына қажетті су келуін қамтамасыз ету. Осыған орай, видеобайланыс арқылы 10 сәуірде су шаруашылық министрліктерінің арасында консультация өткізу жоспарланған»,– деп айтып өтті министр.

Минстрліктің мәліметі бойынша, Қазақстанда 1,5 млн гектар суармалы жер бар. Олардың басым бөлігі оңтүстік облыстарға тиесілі. Былтыр сол жерлерді суару үшін 12,3 млрд м3 су жұмсалды. Бұл еліміз бойынша тұтынатын судың 67% құрайды.

Бір гектар жерді суаруға кететін су көлемін орта есеппен 6 м3-ке дейін азайтса, ұнемделген сумен тағы да 2 млн гектар жерді суғаруға болады екен. Сондықтан министр суды үнемдеу технологиясын көбірек пайдалану керек деп тұжырымдайды. 

«Тамшылатып суару, жаңбырлату және егіс көлемін жоспарлаудың жаңа технологиялары пайдаланылатын суды бұрынғы тәсілдермен салыстырғанда, 33 пайызға үнемдеуге мүмкіндік береді. Ең бастысы - шығындалған судың өнімділігі артады, 1 шаршы мерт суды пайдалана отырып, 2,5 есе көп өнім алуға болады»,– деді ол. 

Бұдан бөлек, Қызылорда, Түркістан, Жамбыл және Алматы облыстарында 205 километр канал тазаланды және бұл жұмыс әрі қарай жалғасып жатыр.

Сондай-ақ, 335 гидротехникалық нысандар жөнделіп, 39 километр канал бетонмен қапталды.
 

banner_wsj.gif

drweb_ESS_kursiv.gif