Skip to main content

Жұмысшы жастар тұрғын үймен қашан қамтамасыз етіледі?

Биыл «Нұрлы жер» бағдарламасы аясында бірде-бір жас маман пәтер алмаған

Фото: Shutterstock

Мәжілісте өткен үкімет сағатында депутат Құралай Қаракен Нұр-Сұлтан, Алматы, Шымкент қалаларындағы жұмысшы жастар қашан баспанамен қамтылатынын сұрады. 

«Бұл тапсырма жыл басында берілген. Жалдамалы тұрғын үй салу мен сатып алуға қажетті қаражатты жергілікті әкімдіктер сәуір айында бөлді. Осы үйлер қандай тәртіппен берілетіні тамыз айында ғана бекітілді. Енді екі айдан соң, жыл бітетінін ескерсек, еліміздің 3 ірі қаласындағы жұмысшы жастар қашан пәтер кілтін алады?», – деген сауал тастады депутат. 

Ақпарат және қоғамдық даму министрі Дәурен Абаевтың айтуынша, жастар жыл соңына дейін  жалдамалы үйлердегі пәтерлердің кілтін ала бастайды. 

«Сондықтан әкімдіктерге қайталама нарықтағы үйлерді сатып алуға мүмкіндік беретін өзгеріс енгіздік. Өйткені жаңадан салып үлгермес едік. Биыл бір бөлігінің кілті беріледі. Өтініштер келіп түсіп жатыр, Алматы қаласы бойынша 200 өтініш келіп түскен. Келер жылы жақсы көрсеткішке жетеміз деген ойдамыз», – деді министр. 

Сонымен қатар, Құралай Қаракен пәтер алу үшін талап етілетін табысты жастардың қалтасы көтермейтінін, оны төмендету мәселесін қарастыру қажеттігі туралы да айтып өтті.

«Бұл бастамасы ғана. 15 мың теңге көлеміндегі ай сайынғы төлем белгілі бір есептеулерге сүйене отырып анықталған еді. Біз бұл соманы төмендетуге дайынбыз», – деді Абаев.

banner_wsj.gif

42500 теңге: миллионнан аса өтініш келіп түскен

Олардың арасында 500 мыңнан аса айлық алатындар да болған

Фото:кursiv.kz

Қазіргі кезде 938 мың адам 42500 теңге төлем алуға 1,2 млн өтініш берген. ҚР Еңбек және әлеуметтік қорғау министрі Біржан Нұрымбетов ОКҚ өткен брифингте әлеуметтік төлем жайын тағы да түсіндірді. 

«Біріншіден 42500 теңге – емлекеттік әлеуметтік сақтандыру қорынан төленетін әлеуметтік төлем. Ол жұмыс істеп, ресми, бейресми тіршілік жасап жүрген азаматтарға, бірақ төтенше жағдайға қатысты табысынан айырылған адамдарға қарастырылған», – деді министр. 

Нұрымбетов жүйе әр адамды автоматты түрде тексеретінін айтып өтті. Қазір кезде  egov.kz және 42500.enbek.kz сайттары тұрақты жұмыс істеп тұр, арнайы телеграм- бот іске қосылады. 

"Telegram-бот бүгін іске қосылды. Ол дайын. Бірақ оны кішкене кешіктірдік. Өкінішке қарай, кейбір "ақылды кісілер" көптеген фейк, жалған Telegram-боттарды жариялап, кішкене халықты жаңылыстырды", - деп қосып өтті Біржан Нұрымбетов.

Сонымен қатар министрдің айтуынша, бұл төлемге тек жағдайы қиындап кеткен кісілер ғана емес, 500 мыңдап айлық алып жүргендер де өтініш берген. 

"Алғашқы 4 мыңнан аса өтініш келіп түскен кезде, олардың 2 мыңға жуығы қаңтар, ақпан айларында 50 мыңнан аса айлық алып жүргенін анықтадық. Алайда 16 наурыздан кейін ақшасы қалмай қалыпты да, өтініш берген. Бұл енді дұрыс емес. Сондықтан сіздерден кешірім сұраймыз, бірақ сіздерге бұл ақша төленбейді",- деді министр. 

 

banner_wsj.gif

drweb_ESS_kursiv.gif