Павлодарда Мемлекеттік кірістер департаментінің пара алған қызметкерлері сотталды

Олар бизнеске қысым көрсетіп, сыра қайнататын зауыт иелерінен ақша талап еткен

Фото: Shutterstock.com

Павлодар қаласының №2 қылмыстық сотында Павлодар облысы бойынша мемлекеттік кірістер департаменті қызметкерлеріне қатысты сыбайлас жемқорлық туралы істі қарау аяқталды. 

Департамент басшысының міндетін атқарушы Қуат Белгібаев ҚР ҚК 366- (пара алу) және 367-баптары (пара беру) бойынша  сотталып, сегіз жылға бас бостандығынан айырылды, сонымен қатар, ол өмір бойына мемлекеттік қызмет лауазымдарында болу құқығынан айырылды. Оның қарамағындағы Мұрат Жанғазин – берешекпен жұмыс істеу басқармасының басшысы, ҚР ҚК 366-бабы бойынша жеті жылға бас бостандығынан айырылып, сот залында қамауға алынды, өйткені бұған дейін ол үйқамақта болған еді. Жазаны олар минималды қауіпсіз колонияда өтейтін болады.

Сот Қуаныш Төлебаев жәрия еткен ақпаратқа сәйкес, сотталушылар 2018 жылғы қыркүйектен ағымдағы жылдың ақпанына дейін бизнеске қысым көрсетіп,  «Жана Роса» ЖШС-сына (Павлодар сыра қайнату зауыты) қатысты түрлі тексерулер жүргізіп отырған.

«Сотқа дейінгі тергеу барысында екі айыпталушы кінәләрін мойындады. Ақшалай қаражатты беруді тіркеген бейне жазбалар бар, онда 20-ақпанда Белгібаев $10 мың алған. Бір күннен кейін Жанғазин $5 мың алған және дәл сол күні Белгібаев тағы $10 мың, 700 және 240 мың теңге алып жатқан кезінде құрықталды», – деп хабарлады сот.

Бұдан бөлек, тергеу изоляторында Белгібаев қызметкерден өзіне телефон әкеп беруді сұрап, оған 100 мың теңге пара бермек болған. Сот Мемлекеттік кірістер комитетінің атына жеке қаулы шығарды. Сот қаулыны назарға алып, Комитетті болашақта мұндай құқық бұзушылықтарға жол бермеуге шақырды.

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg