Экстремизмді жақтайтындардың қатары 20 мыңнан асқан

Олардың басым бөлігі оңтүстік, батыс және орталық Қазақстанда шоғырланған

Фото: Shutterstock

Қазақстанда деструктивті ағымды ұстанатындардың саны 20 мыңнан асады, деп мәлімдеді ҚР ҰҚК терроризмге қарсы күрес орталығы басшысының орынбасары, ҰҚҚ полковнигі Сергей Швейкин. 

«Біздің бағалауымызша, деструктивті ағымды ұстанатындардың саны 20 мыңнан асады», – деді Швейкин дінтанушылардың ІХ форумында. 

Оның айтуынша, экстремистік діни ағымды ұстанатындардың басым бөлігі еліміздің оңтүстігінде (Түркістан облысы мен Алматы қаласы), батысында (Атырау және Ақтөбе облыстары), сонымен қатар, орталығында (Қарағанды облысы мен Нұр-Сұлтан қаласы) тұрады екен. 

ҰҚҚ өкілі радикалды насихаттың ықпалына негізінен «жеке  көзқарасы қалыптаспаған, діни сауаты жоқ, жастық максимализмі басым» жастар түсіп қалады деп тұжырымдайды. Маманның дерегіне сүйенсек, «Әл-Каидамен» байланысты топтардың қатарынан табылу үшін қазақстандықтар ең алғаш рет 2008 жылы Ауғанстанға өтіп кеткен. 

«2013 жылдан бері экстремистік бағытты ұстанғандардың негізгі бөлігі Сирия мен Иракка аттанды. Осы кезеңге дейін шетелге 800-ге тарта Қазақстан азаматы өтіп кеткен. Олардың басым бөлігі сол жақта қаза тапты. Бір бөлігі осы елдерде ұсталып, Отанына жер аударылды»,– деді спикер. 

Оның айтуынша, Қазақстан азаматтары ДАИШ пен Әл-Каида, Ислам жиһад одағын қоса алғанда, бүкіл халықаралық террористік ұйымдардың құрамында жүр. Қарулы жиһадқа шығып кеткен Қазақстан азаматтарының басым көпшілігі деструктивті идеологиялық ағым жетегінде болған.

Швейкин арнайы қызмет өкілдерінің басты міндеті ел бойынша діни ахуалды тұрақтандыру екенін айтып өтті. Сонымен қатар, спикер Қазақстан Республикасында діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламаны жүзеге асыруды жандандыру қажет деп санайды.

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер