Қай өңірде балабақша тапшы?

Қазақстанда балабақшалардағы 100 орынға, орта есеппен, 106 баладан келеді

Фото: Shutterstock

2018 жылы мектепке дейінгі білім беру мекемелеріндегі 100 орынға 106 баладан келген, яғни, балабақшаларда бос орын тапшы. Айталық, 2017 жылы дәл осы орын санына 96,1 баладан келген, деп хабарлайды EnergyProm.

2018 жылы 17 өңірдің 13-де 100 орынға жүзден астам баладан келген, тек еліміздің 4 аймағында: Алматы, Қызылорда, Солтүстік Қазақстан облыстары мен Шымкент қаласында бүлдіршіндер балабақшамен толық қамтамасыз етілген.
 
Ал Ақтөбе (100 орынға –129 бала), Қостанай (100 орынға –128 бала), Павлодар облыстары бүгінде балабақша тапшылығымен бетпе-бет келіп отыр. 

2019 жылғы екінші тоқсанда мектепке дейінгі білім беру саласында 96,1 млрд теңгенің қызметі көрсетілген, ол 2018 жылдың дәл осы кезеңімен салыстырғанда, 12,1 млрд теңгеге артық. 

Ал өңірлер бойынша алсақ, биыл осы уақытта мектепке дейінгі тәрбие мен оқыту саласындағы ең көп қызмет 12,3 млрд теңге көлемінде –Түркістан облысында  көрсетіліпті. Ал Алматы қаласы мен Алматы облысында көрсетілген қызмет көлемі тиісінше, 10 млрд және 8,2 млрд теңгені құрады (бір жыл бұрын 8,4 млрд және 5,5 млрд теңге болған). Сонымен қатар, Жамбыл облысында осы салаға 7,8 млрд теңге жұмсалса, ал Нұр-Сұлтан қаласында  7,1 млрд теңгенің қызметі көрсетілген.
 

banner_wsj.gif

Сотталғандар жазасын провизорлық стационарда өтеп жүр

Павлодар облысында шартты түрде сотталғандар дәрігерлерге көмекке келді

Фото: Қылмыстық атқару жүйесі департаментінің баспасөз орталығы

31 жастағы павлодарлық Светлана біраз уақыт бұрын шартты түрде сотталып, пробация қызметіне тіркеуге тұрған еді. Кейін оған Павлодар ауданының жұмыспен қамту орталығына жолдама берілген. Соған сәйкес, медициналық білімі әрі осы салада тәжірибесі бар Светлана провизорлық стационарлардың біріне жұмыс істеуге жіберілді. 

«Сотталғанға дейін облыстық ауруханада жұмыс істеп, тәжірибе жинадым. Стационарда қызмет етіп жүргеніме бір аптадан астам уақыт өтті. Негізгі міндетім – пациенттерге күтім жасау», - дейді Светлана. 

Одан бөлек, ол медициналық колледжге құжаттарын тапсырып, білімін одан әрі жетілдірмек ниетте. 

Светлана сияқты Қайрат есімді сотталған азамат та жазасын провизорлық стационарларға көмек көрсету арқылы өтеуде.   

«Облыс орталығындағы ауруханаларға төсект, жиһаз тасып жүрмін. Осы сияқты басқа да жұмыстар жүктеледі. Жаза ретінде белгіленген сағаттарды өтеп қана қоймай, қоғамға пайдамның тиіп жатқанына қуаныштымын. Жазаның осындай түрінің белгіленуі әділ деп есептеймін», – дейді ол. 

Пробация қызметінің бастығы Әсет Мыңжасаровтың айтуынша, еңбектің мұндай түріне тұрақты жұмыс орны жоқ әрі бас бостандығын шектеу жазасы белгіленген сотталғандар тартылады. 

«Пандемияға және пневмонияға шалдыққандар саны күрт артқандықтан, Павлодар облысында қосымша провизорлық стационарлар ашылды. Бұл өз кезегінде қосымша жұмыс күшін қажет етеді. Сондықтан жазасын өтеу жөнінде жолдама алғандар қаладағы ауруханаларға жіберіліп, көмек көрсетуде. Бүгінде сотталған бес азамат осы іске жұмылдырылды. Бұл бағыттағы жұмыстар алдағы уақытта да жалғасып, жазасын өтеушілер медицина қызметкерлеріне қол ұшын созатын болады»,  – дейді Әсет Мыңжасаров. 

Айта кетелік, Павлодар облысының аумағында қосымша провизорлық стационарлар мен триаж-орталықтар ашылғалы бері дәрігерлердің, медициналық қызметкерлердің аздығы қатты сезіле бастады. Осы уақытқа дейін денсаулық сақтау саласының ардагерлері, жеке емханалардың қызметкерлері, медициналық жоғары оқу орнын тәмамдаған түлектер, барлығы 200-ден астам адам дәрігерлерге көмекке келді. Жүктемені азайтып, пациенттерді сапалы ем-дом көрсету үшін тағы 400-ге жуық адам керек. Олардың барлығына белгіленген тарифтік көрсеткіштер бойынша қаражат төленетін болады. 

 

 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер