Аз қамтылған отбасыларға 2 пайыздық ипотека беріледі

Тұрмысы төмен отбасыларға 2 пайызбен тұрғын үй беретін бағдарлама мамырдың аяғында басталады

Фото: Shutterstock.com

Тұрмысы төмен отбасыларды тұрғын үймен қамтуға бағытталған бағдарлама мамырдың соңында басталады деп жоспарланып отыр. Оған 4 және оданда көп кәмелетке толмаған балалары бар отбасылар қатыса алады. Бұл туралы ҚР Тұңғыш Президентінің «Бес әлеуметтік бастама» бағдарламасын жүзеге асыруды бақылайтын Қоғамдық кеңес отырысының кулуарында «Тұрғын үй құрылыс жинақ банкінің»  басқарма төрағасы Ләззат Ибрагимова мәлімдеді. 

Бұл бағдарламаға көп балалы отбасылармен қатар, мүмкіндігі шектеулі баласы бар, балаларын жалғыз өзі тәрбиелеп отырған жесір аналар мен жалғызбасты әкелер де құжат өткізе алады. Ләззат Ибрагимованың айтуынша, 12 миллион теңге көлемінде қарыз алу үшін отбасының ортақ табысы айына 88 450 теңге болуы тиіс. Сонда алғашқы 8 жыл бойы айына 60 мың теңге төлесе, келесі 11 жылда төлем 44 мың теңге көлемінде қалыптасады. Аталмыш бағдарлама аясында пәтерді жаңа салынған тұрғын үйлерден алуға болады. Дегенмен, бағдарламаға қатысушылардың таңдау мүмкіндігі мол болуы үшін қайталама нарықтан да, жер үйлерді де алуға рұқсат берілген. 

«Көп балалы отбасылар астанамыздың маңайындағы үйлерге үлкен қызығушылық танытады деген ойдамын. Оның үстіне бағдарлама аясында тек Нұр-Сұлтан, Алматы мен Шымкент сынды ірі мегаполистерде ғана емес, облыс орталықтары, аудандар мен моноқалалардан үй алуға мүмкіндік қарастырылған. Қазіргі кезде Тұрғын үй құрылыс жинақ банкінде осы бағдарлама бойынша сұраныс көп. Аталмыш бағдарлама бойынша несие жылдық пайызы ең төмен – 2 пайыз болғандықтан, көп балалы және тұрмысы төмен отбасылар тағатсыздана күтіп жүр. Дәл осы бағдарламада алғашқы жарна да 10 пайызға дейін төмендетілген, 10 миллион теңгенің пәтерін алу үшін 1 200 мың теңге жинағы болса жеткілікті», –деп атап өтті Ибрагимова. 

Банк төрағасының айтуынша, бағдарлама аясында биыл 50 млрд теңге алу алу жоспарланған, ол 6 мыңға жуық қазақстандықты тұрғын үймен қамтамасыз етуге мүмкіндік береді.

banner_wsj.gif

Қазақстанда 5 шілдеден екі апталық қатаң карантин енгізіледі

Елдегі эпидемиологиялық ахуалды тұрақтандыру үшін біршама шектеулер қойылады

Фото: Аскар Ахметуллин

Премьер-Министр Асқар Маминнің төрағалығымен өткен мемлекеттік комиссия отырысында елдегі эпидемиологиялық ахуалды тұрақтандыру шаралары қаралды, деп хабарлайды үкімет басшысының ресми сайты.

Елдегі санитарлық-эпидемиологиялық жағдай және коронавирус инфекциясының таралуына жол бермеу мақсатында шектеу шараларын енгізу бойынша ұсынылатын шаралар туралы денсаулық сақтау министрі А. Цой баяндама жасаған.

Қазақстанда эпидемиологиялық ахуалдың өршуін және коронавирус инфекциясымен сырқаттанушылықтың өсуін ескере отырып, Мемлекеттік комиссия биылғы 5 шілдеден бастап 14 күнге келесі шектеу шараларын енгізу туралы шешім қабылдады:

Көлік қатынасы бойынша:

1. Елдер тізімін көбейтпей, халықаралық әуе қатынасын сақтау;

2. Өңірлер арасындағы әуе қатынасын, темір жол қатынасын сақтау (шектеулермен);

3. Өңірлер арасындағы жолаушылар автобусы қатынасын уақытша тоқтату;

4. Қоғамдық көліктің жұмысын уақыт бойынша шектеу.

 

Азаматтардың жүріп-тұруы бойынша:

1. Ойын-сауық, спорт және басқа да бұқаралық іс-шараларды, сондай-ақ отбасылық, еске алу шараларын өткізуге тыйым салу;

2. Ашық ауада жаттығулар жасауға рұқсат ету;

3. Тұрғындардың көшелерде, саябақтарда, скверлерде 3 адамнан артық серуендеуін шектеу;

4. 65 жастан асқан адамдардың сыртқа шығуын шектеу.

 

Мына нысандардың қызметіне тыйым салу керек:

Сұлулық салондары, шаштараз, спорт залдары, фитнес орталықтар, бассейндер, азық-түлік және азық-түліктік емес жабық базарлар, жағажайлар, аквапарктер, мәдениет нысандары, музейлер, көрмелер, форумдар, конференциялар және өзге де ұйымдастырылған бұқаралық іс-шаралар, ойын-сауық орталықтары, мектепке дейінгі балалар мекемелері (кезекші топтардан басқа), діни нысандар және т. б. (СОСО-дағы ойын-сауық орталықтары, ойын-сауық нысандары (караоке, бильярд, компьютер клубтары, боулинг орталықтары), кинотеатрлар, балаларды сауықтыру лагерлері, фудкорттар, банкет залдары).

Мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің кемінде 80%-ның қашықтан жұмыс істеу режимін сақтау;

Алдын ала жазылу бойынша медицина орталықтарының қызметін сақтау;

Дәріханалардың, азық-түлік дүкендерінің, ашық базарлардың қызметін сақтау;

Күшейтілген санитарлық-дезинфекциялық режимді сақтай отырып, келесі нысандардың қызметін сақтау:

-ашық ауада қоғамдық тамақтану нысандары; үздіксіз өндірістік айналымы бар құрылыс, өнеркәсіп кәсіпорындары; ашық ауадағы құрылыс жұмыстары; ауыл шаруашылығы, балық шаруашылығы және мал шаруашылығы жұмыстары; халыққа қызмет көрсету салалары, оның ішінде авто жуу, автомобильдерді және тұрмыстық техниканы жөндеу, ХҚКО-лар, екінші деңгейлі банктер (уақыт бойынша шектеу енгізумен).

Үкімет басшысы еліміздегі эпидемиологиялық ахуалдың алдағы уақытта қалай өзгеретініне байланысты аталған шектеу шаралары 2 аптаға ұзартылуы немесе қатаңдатылуы мүмкін екенін атап өтті.

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg