Skip to main content

Қазақстанда коронавирусты анықтайтын тесттен кім тегін өтеді?

Экспресс-тесттер ақылы болмақ

Фото: shutterstock.com

Шетелге шықпаған және коронавирус инфекциясын жұқтырғандармен байланыста болмаған қазақстандықтар коронавирусты анықтайтын тесттен тегін өтпейді. Бұл туралы 26 наурызда өткен брифингте ҚР Денсаулық сақтау министрлігі, тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді.

"Олар тек эпиданамнез болған жағдайда қолданылады, яғни науқас шетелден келсе ғана. Біз шетелден келгендердің бәрін міндетті түрде тексеріп, науқастармен жақын байланыста болған адамдардың барлығын провизорлық карантинге жатқызамыз. Алайда тест-жүйелер жай ғана алдын алу немесе скрининг мақсатында пайдаланылмайды", – деді ол.

Бюрабекова қазіргі уақытта Қытайда шығарылған тест-жүйелері қолданылып жатқанын хабарлады.

Комитет басшысының  айтуынша, соңғы уақытта Қазақстаннан шықпаған және коронавирус жұқтырғандармен байланыста болмаған адамдардың бұл инфекцияға қатысты диагностикалық тестттен өтуінің қажеті жоқ.

"Бұл тесттер ауру белгілері және эпиданамнез болғанда ғана қолданылады. Яғни, егер ол ешкіммен байланыспаса, қазір 1А және 1Б санатына жатқызылған шетелден келмесе, ауру белгілері пайда болғанға дейін бұл – пайдасыз нәрсе. Яғни, ол теріс нәтиже көрсетеді, бірақ диагностика ретінде ешқандай ақпарат бере алмайды", – деді Бюрабекова.

Адамның врус жұқтыған-жұқтырмағаннын зеттеуге 7-8 сағат кетеді, ал нәтижесі 12 сағаттан соң ғана дайын болады екен.

Жақында Қазақстанда 60 мың тест жеткізілген. Келесі аптада 150 мың тест келеді деп жоспарланған.

Ал экспресс-тесттер елге бірнеше демеушінің есебінен жеткізіледі. Бірнеше компанияға бір жолға тест әкелуге рұқсат берілді. Бірінші партия осы аптада келуі керек. Экспресс-тестілеу "Олимп" зертханасының базасында өткізіледі.

Бұл экспресс-тесттер пациентте антиденелердің бар-жоғын анықтайды, яғни кім дәл қазір ауырып тұрғанын, немесе ауру жеңіл өтіп, сауыққанын анықтауға мүмкіндік береді. Бұл санатқа тыныс алу жүйесінің ауруы бар адамдар, қауіп тобына кіретін пациенттер және ауырып қалғандар, соның ішінде қарт адамдар мен 18 жасқа дейінгі балалар кіреді.

«Қазір экспресс-тесттен өтетін адамдар санаты нақтыланып жатыр. Бұл кез-келген жастағы пациент болуы мүмкін, өйткені бұл жеке зертхана, керісінше, көптеген адамдарды қамту мақсатында олар бұл тестілеуді ақылы түрде жүргізе алады. Ал оны тегін тек вирус жұқтыруы мүмкін деген кісілер ғана өте алады", - деп түйіндеді Бюрабекова.
 

banner_wsj.gif

Коронавируспен күресте алдыңғы шепте жүрген дәрігерлерге 1 млн теңге төленеді

Ауырып қалса, 2 млн теңге көлемінде өтемақы беріледі

Фото:shutterstock.com

Коронавирус індетімен күресте алдыңғы шепте жүрген дәрігерлерге 1 млн теңге төленбек. Бұл турала тікелей эфирде өткен брифинг барысында ҚР Ақпарат және коммуникация министрі Дәурен Абаев мәлімдеді. 

Министр төтенше жағдай жөніндегі мемлекеттік комиссия эпидемияға қарсы іс-шараларға тартылған медицина қызметкерлерінің еңбекақысына ай сайынғы бекітілген үстеме ақы белгілеу туралы шешімді бекіткенін айтып өтті. 

"Соған сәйкес, медицина қызметкерлері жұмысының қауіптілігіне қарай үш топқа бөлінген. Бірінші топ –  реанимация бөлімшелерін қоса алғанда, жұқпалы аурулар стационарларының дәрігерлері, орта және кіші медицина қызметкерлері. Барлығы – 3284 маман. Олардың жалақысына үстемақы айына 850 мың теңгені құрайды. Яғни, орташа айлығын қосқанда, олар айына шамамен 1 млн теңгенің үстінде алады", – деді министр. 

Екінші топ – провизорлық стационарлар мен жедел жәрдем дәрігерлері, орта және кіші медицина қызметкерлері. Барлығы –11 951 маман. Олардың үстемақысы айына 425 мың теңгені құрайды, яғни орташа айлығын қосқанда, айына шамамен 600 мың теңге алады. 

"Үшінші топ – карантиндік стационарлардағы дәрігерлер, орта және кіші медицина қызметкерлері, санитарлық дәрігерлер жедел жәрдем жүргізушілері және т. б.  Барлығы 10 994 қызметкер. Олар айына 212,5 мың теңге үстемақы алады. Яғни, орташа айлығын қосқанда, шамамен 380 мың теңге алады" ,– деп атап өтті министр. 

Сонымен қатар Абаевтың айтуынша, медицина қызметкерлерінің денсаулығы мен өмірін сақтандыру мәселесі де пысықталған. Олар ауырып қалған жағдайда, 2 млн теңге көлемінде сақтандыру төлемі беріледі. Егер мидицина қызметкері  ауырып қайтыс болса, мемлекет оның отбасына 10 млн теңге өтемақы береді. 

Министр мемлекеттік өз азаматтарына деген қамқорлығы осындай қиын кезеңде байқалатынын атап өтті. 

 

banner_wsj.gif

drweb_ESS_kursiv.gif