Қазақстанда коронавирусты анықтайтын тесттен кім тегін өтеді?

Экспресс-тесттер ақылы болмақ

Фото: shutterstock.com

Шетелге шықпаған және коронавирус инфекциясын жұқтырғандармен байланыста болмаған қазақстандықтар коронавирусты анықтайтын тесттен тегін өтпейді. Бұл туралы 26 наурызда өткен брифингте ҚР Денсаулық сақтау министрлігі, тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді.

"Олар тек эпиданамнез болған жағдайда қолданылады, яғни науқас шетелден келсе ғана. Біз шетелден келгендердің бәрін міндетті түрде тексеріп, науқастармен жақын байланыста болған адамдардың барлығын провизорлық карантинге жатқызамыз. Алайда тест-жүйелер жай ғана алдын алу немесе скрининг мақсатында пайдаланылмайды", – деді ол.

Бюрабекова қазіргі уақытта Қытайда шығарылған тест-жүйелері қолданылып жатқанын хабарлады.

Комитет басшысының  айтуынша, соңғы уақытта Қазақстаннан шықпаған және коронавирус жұқтырғандармен байланыста болмаған адамдардың бұл инфекцияға қатысты диагностикалық тестттен өтуінің қажеті жоқ.

"Бұл тесттер ауру белгілері және эпиданамнез болғанда ғана қолданылады. Яғни, егер ол ешкіммен байланыспаса, қазір 1А және 1Б санатына жатқызылған шетелден келмесе, ауру белгілері пайда болғанға дейін бұл – пайдасыз нәрсе. Яғни, ол теріс нәтиже көрсетеді, бірақ диагностика ретінде ешқандай ақпарат бере алмайды", – деді Бюрабекова.

Адамның врус жұқтыған-жұқтырмағаннын зеттеуге 7-8 сағат кетеді, ал нәтижесі 12 сағаттан соң ғана дайын болады екен.

Жақында Қазақстанда 60 мың тест жеткізілген. Келесі аптада 150 мың тест келеді деп жоспарланған.

Ал экспресс-тесттер елге бірнеше демеушінің есебінен жеткізіледі. Бірнеше компанияға бір жолға тест әкелуге рұқсат берілді. Бірінші партия осы аптада келуі керек. Экспресс-тестілеу "Олимп" зертханасының базасында өткізіледі.

Бұл экспресс-тесттер пациентте антиденелердің бар-жоғын анықтайды, яғни кім дәл қазір ауырып тұрғанын, немесе ауру жеңіл өтіп, сауыққанын анықтауға мүмкіндік береді. Бұл санатқа тыныс алу жүйесінің ауруы бар адамдар, қауіп тобына кіретін пациенттер және ауырып қалғандар, соның ішінде қарт адамдар мен 18 жасқа дейінгі балалар кіреді.

«Қазір экспресс-тесттен өтетін адамдар санаты нақтыланып жатыр. Бұл кез-келген жастағы пациент болуы мүмкін, өйткені бұл жеке зертхана, керісінше, көптеген адамдарды қамту мақсатында олар бұл тестілеуді ақылы түрде жүргізе алады. Ал оны тегін тек вирус жұқтыруы мүмкін деген кісілер ғана өте алады", - деп түйіндеді Бюрабекова.
 

banner_wsj.gif

Жедел жәрдемге күніне 2000 адам хабарласады: Шымкенттегі індет ахуалы қандай?

Шаһардағы карантин режимі 6 шілдеге дейін күшінде

Фото: Shutterstock

Еліміздегі үшінші мегаполис саналатын Шымкент қаласында коронавирус инфекциясы күннен күнге өршіп бара жатыр. Жығылғанға жұдырық дегендей енді вирусты пневмония жұқтырушылар саны да артқан. Осыған орай қала билігі науқастарды жатқызатын қосымша орындар даярлауға мәжбүр.

 
    Қазіргі таңда Шымкентте вирус жұқтырушылар саны 1300-ден асып кетсе, оның 800-і симптомсыз науқастар. Қалалық денсаулық сақтау басқармасының мәліметінше, тұрғындар жедел жәрдем – 103 нөміріне жиі қоңырау шала бастаған. Қазірдің өзінде күніне 1800-2000 қоңырау келіп түсетін көрінеді. Тұмау диагнозымен ауруханаға жатқызылғандар саны 2 есеге, пневмония диагнозымен жатқызылғандар саны 7,2 есеге өскен (2019 жылмен салыстырғанда). 


    «Инфекция жұқтырған науқастар санының көбеюіне байланысты қалада қосымша 1420 төсек дайындалды. Оның 690-ы – инфекциялық, 290-ы – карантиндік, тағы 440-ы – уақытша орындар. Осылардың есебінен орын жетіспеушілігі проблемасы жойылады деп ойлаймыз. Сонымен қатар қосымша 22 жасанды тыныс алдыру аппараты мен 38 монитор қойылды. 27 маусымға дейін тағы да 40 тыныс алдыру аппаратын қою жоспарланып отыр» деп хабарлайды қалалық денсаулық сақтау басқармасы. 


    Кеше ғана (22 маусым) Шымкенттегі теміржол ауруханасында 4 науқастың көз жұмғаны туралы хабарланған болатын. Науқастар ауруханаға өте ауыр халде келіп түскен және олардың қант диабеті, артериалды гипертензия, өкпенің ишемиялық аурулары сияқты созылмалы аурулары болған. Аталған аурухана 120 науқасты қабылдай алады. №8 ауруханаға да сәт сайын келіп түсіп жатқан науқастар саны өте көп. 
    «Бізге хабарласушылар саны екі есеге артты. Егер маусымның алғашқы жартысында күніне 10-12 адам хабарласып, олардың 3-4-еуі ғана респираторлық аурумен ауырса, соңғы аптада күн сайын хабарласушылар саны 20-ға дейін жетті. Олардың 5-9-ы – вирустық жұқпалы індетке шалдыққандар. Тап қазіргі вирусты пневмония өте қауіпті болып тұр. Екінші, үшінші күнінде-ақ жағдай күрделеніп, адамның тыныс алуы қиындайды. Дәрігерлер адамдардың өз бетімен ем қабылдауын құптамайды. Егер сізде температура көтеріліп, жөтел басталып, аяқ-қолы ауырласа дереу дәрігерге хабарласу керек. Дәл осындай қиын кезде 55 жастан асқан адамдардың қоғамдық орындарға бармағаны абзал» дейді №8 аурухана бас дәрігері Сара Оспанова. 
Шаһардағы ахуалдың нашарлауына байланысты бүгін, яғни, 23 маусымнан бастап қаланың бас санитар дәрігері Әбдіманап Төлебаевтың бұйрығымен мектепке дейінгі барлық мекемелер өз жұмысын тоқтатады. 
    «Егер балаларды ешкімге қалдыра алмайтын болса, онда ата-анасының бірі қашықтан жұмыс істеу режиміне көшуі тиіс. Шаралар балалардың денсаулығын қорғау және инфекцияның таралу қаупін азайту мақсатында қабылданып отыр. Балабақшалар жұмысы қаладағы эпидемиялық жағдай тұрақталған кезде барып қайта жанданады. Бұл ретте маска киіп, қолды антисептиктермен жуып, әлеуметтік арақашықтықты сақтап, барлық бекітілген санитарлық талаптар орындалуы тиіс» деп хабарлайды.

 
    Еске салсақ, Шымкенттегі карантин режимі 6 шілдеге дейін ұзартылған еді. 20 маусымнан бері қаладағы ірі сауда орындары (азық-түліктік және азық-түліктік емес) жұмысын тоқтатқан. Сонымен қатар 6 шілдеге дейін сауда ойын-сауық орталықтары, сауда үйлері, фитнес-орталықтар, бассейн, базарлар («Жібек Жолы» мен «Қазбек» базарынан басқасы) және спорт кешендері де жұмыс істемейді. Парк, сквер, жағалау, туристік орындар, балалар және спорт алаңқайларына баруға тыйым салынбайды, бірақ адам санына шектеу қойылады. Сондай-ақ 6 шілдеге дейін Халыққа қызмет көрсету орталықтары да 8:00 – 12:00 аралығында ғана жұмыс істейді. 


    Азаматтар денсаулық жағдайы және әлеуметтік сұрақтар бойынша 39-33-47 нөмірі бойынша Call-орталыққа хабарласып, ақпарат ала алады. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg