Skip to main content

Қазақстанда коронавирус жұқтырған тағы бір пациент анықталды

Ол кісі Миланнан келген

Фото:www.shutterstock.com

Елімізде коронавирус инфекциясын жұқтырған тағы бір адам анықталды. Бұл туралы денсаулық сақтау министрі Елжан Біртанов мәлімдеді.


«Қазіргі кезде тағы бір пациенттен алынған тест оң нәтиже көрсеткені анықталды. Бұл кісі елордаға 12 наурыз күні Милан қаласынан келген», – деді ол.

Пациент ұшақтан түсе салысымен карантинге жатқызылған. Қазіргі кезде онымен араласқан барлық адамдар анықталуда. 

Бұған дейін бас санитар дәрігер Жандарбек Бекшин коронавирус елімізде 11-16 наурыз аралығында анықталуы мүмкін екенін айтқан еді. 13 наурыз, жұма күні Денсаулық сақтау министрі Елжан Біртанов елімізге екі кісі инфекция жұқтырғанын мәлімдеді.

ДДСҰ коронависты пандемия деп жариялап, соған байланысты елімізде індет таралуының алдын алу шаралары қолға алыған. 

Үкімет халықты дүрбелеңге салынбауға шақырып, елімізде азық-түлік қоры жарты жылға жететінін мәлімдеген болатын. 

Мемлекет басшысы қоғамдық іс-шаралардың бәріне тиым салынып, азық-түлік пен ең қажетті тауарлардың тапшылығы болмайды деп сендірді. 
 

banner_wsj.gif

Қазақстанда тағы бір адам коронавирустан қайтыс болды

Ол Нұр-Сұлтан қаласының тұрғыны

Фото:shutterstock.com

Елімізде тағы бір адам коронавирустан қайтыс болды. Бұл туралы Нұр-Сұлтан қаласы денсаулық сақтау басқармасының басшысы Сәуле Кисықова мәлімдеді. 

51 жастағы пациент 21 наурыз күні ауруханаға жатқызылған. Бір ай бойы ауырып жүргенімен, медициналық көмекке жүгінбеген. Жұмыс барысында іссапарға жиі шығып тұрған.   

"Аурумен тікелей байланста болған 31 адам ауруханаға жатқызылды. 55 адам үй карантинінде. Отбасындағы екі адамнан коронавирус анықталды",- деді басқама басшысы. 

Бүгін коронавирус індетін жұқтырған тағы 17 адам тiркелді. Нұр-Сұлтан қаласында - 2, Алматы қаласында - 9 адам, Қызылорда облысында - 3 адам, Атырау облысында - 1 адам, Ақтөбе облысында -1 адам, Солтүстік Қазақстан облысында - 1 адам. Жалпы саны 325 болды. 

banner_wsj.gif

drweb_ESS_kursiv.gif