Skip to main content

Қазақстандық дәрігерлердің жалақысы жарты миллион теңге болады

Тек оны 5 жыл күтуге тура келеді

Фото: Аскар Ахметуллин

Қазақстан үкіметі  2020-2025 жылдарға арналған денсаулық сақтауды дамытудың мемлекеттік бағдарламасын бекітті. Бағдарлама 3 міндет пен 9 бағытты қамтыған. 

"Алғашқы міндет –  халықтың салауатты өмір салтын ұстануын қалыптастыру. Осы орайда, тұзды тұтыну – 31 пайызға, темекі шегу – 13,6 пайыз, ішімдік ішу 16 пайызға төмендейді. Дене шынықтырумен және спортпен айналысатын тұрғындардың үлесі 36 пайызға жетіп, балалар арасындағы ауру-сырқау 8 пайызға азаяды», – деді Денсаулық сақтау министрі Елжан Біртанов.

Ал екінші және үшінші міндет бойынша,  азық-түлік сапасын арттыру, инфекциялық аурулармен күреске және жарақаттану мен жазатайым оқиғалар көрсеткішін төмендетуге, қатерлі аурулардың алдын алуға, балалар мен жастар денсаулығына, оның ішінде, менталді және репродуктивті денсаулыққа ерекше көңіл бөлінеді. 

«Бағдарлама аясында медицина қызметкерлерінің жалақысын көбейту арқылы олардың мәртебесін өсіру қарастырылған. 2025 жылға қарай, дәрігерлердің жалақысы нарықтағы орташа айлықтан 2,5 есе жоғары болып, 505 мың теңгені құрайды. Ауылды медицина қызметкерлерімен қамтамасыз ету 13 пайызға артады»,– деді Біртанов.

Сонымен қатар, бағдарлама  аясында педиатрия, оңалту және басқа медициналық қызметтерді кеңейту мен дәрі-дәрмекпен қамтамасыз етуді жетілдіру жоспарланған. Ал алтыншы бағыт ақпараттық жүйелерді дамытуды, бизнес интеллект құралдарын енгізуді, қашықтықтан көрсетілетін медициналық қызметті дамытуды, статистиканың жаңа тәсілдерін енгізуді көздейді.

Министрдің айтуынша, халықтың денсаулық сақтауға жұмсайтын қаражаты 39 пайыздан 27 пайызға төмендейді. МЖӘ бойынша инвестиция тарту арқылы, аймақтарда 19 заманауи көпсалалы аурухана салынады. 

«Бағдарламаны жүзеге асыруға 3,48 млрд теңге қарастырылған.Оны жүзеге асыру нәтижесінде, денсаулық сақтау саласының ЖІӨ-дегі үлесі 5 пайызға жетеді», – деп атап өтті министр. 

banner_wsj.gif

Қазақстанда коронавирусты анықтайтын тесттен кім тегін өтеді?

Экспресс-тесттер ақылы болмақ

Фото: shutterstock.com

Шетелге шықпаған және коронавирус инфекциясын жұқтырғандармен байланыста болмаған қазақстандықтар коронавирусты анықтайтын тесттен тегін өтпейді. Бұл туралы 26 наурызда өткен брифингте ҚР Денсаулық сақтау министрлігі, тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді.

"Олар тек эпиданамнез болған жағдайда қолданылады, яғни науқас шетелден келсе ғана. Біз шетелден келгендердің бәрін міндетті түрде тексеріп, науқастармен жақын байланыста болған адамдардың барлығын провизорлық карантинге жатқызамыз. Алайда тест-жүйелер жай ғана алдын алу немесе скрининг мақсатында пайдаланылмайды", – деді ол.

Бюрабекова қазіргі уақытта Қытайда шығарылған тест-жүйелері қолданылып жатқанын хабарлады.

Комитет басшысының  айтуынша, соңғы уақытта Қазақстаннан шықпаған және коронавирус жұқтырғандармен байланыста болмаған адамдардың бұл инфекцияға қатысты диагностикалық тестттен өтуінің қажеті жоқ.

"Бұл тесттер ауру белгілері және эпиданамнез болғанда ғана қолданылады. Яғни, егер ол ешкіммен байланыспаса, қазір 1А және 1Б санатына жатқызылған шетелден келмесе, ауру белгілері пайда болғанға дейін бұл – пайдасыз нәрсе. Яғни, ол теріс нәтиже көрсетеді, бірақ диагностика ретінде ешқандай ақпарат бере алмайды", – деді Бюрабекова.

Адамның врус жұқтыған-жұқтырмағаннын зеттеуге 7-8 сағат кетеді, ал нәтижесі 12 сағаттан соң ғана дайын болады екен.

Жақында Қазақстанда 60 мың тест жеткізілген. Келесі аптада 150 мың тест келеді деп жоспарланған.

Ал экспресс-тесттер елге бірнеше демеушінің есебінен жеткізіледі. Бірнеше компанияға бір жолға тест әкелуге рұқсат берілді. Бірінші партия осы аптада келуі керек. Экспресс-тестілеу "Олимп" зертханасының базасында өткізіледі.

Бұл экспресс-тесттер пациентте антиденелердің бар-жоғын анықтайды, яғни кім дәл қазір ауырып тұрғанын, немесе ауру жеңіл өтіп, сауыққанын анықтауға мүмкіндік береді. Бұл санатқа тыныс алу жүйесінің ауруы бар адамдар, қауіп тобына кіретін пациенттер және ауырып қалғандар, соның ішінде қарт адамдар мен 18 жасқа дейінгі балалар кіреді.

«Қазір экспресс-тесттен өтетін адамдар санаты нақтыланып жатыр. Бұл кез-келген жастағы пациент болуы мүмкін, өйткені бұл жеке зертхана, керісінше, көптеген адамдарды қамту мақсатында олар бұл тестілеуді ақылы түрде жүргізе алады. Ал оны тегін тек вирус жұқтыруы мүмкін деген кісілер ғана өте алады", - деп түйіндеді Бюрабекова.
 

banner_wsj.gif

drweb_ESS_kursiv.gif