Skip to main content

Коронавирусты жұқтырғандар саны 104 мың адамға дейін артты

Қытайда бір тәулікте 27 адам қайтыс болды

Фото: Shutterstock

Қытайда 80 695 адамның вирус жұқтырғаны расталды, деп ҚХР-ның денсаулық сақтау комиссиясы мәлімдеді.


Жалпы бұл дерттен емделіп шыққандар да бар.

Олардың саны бүгінде 57 655 адамға жеткен. Ал, бір күннің ішінде Қытайда жұқпалы індеттен 27 адам көз жұмды. Айта кетейік, бұл вирус 3097 адамның өмірін жалмады. 

Әлем бойынша індетті 104 мыңнан астам адам жұқтырған. Оңтүстік Кореяда 7041, Италияда - 5883, Иранда - 5823, Францияда – 949 адам ауырып жатыр. 

banner_wsj.gif

Дүниежүзілік денсаулық сақтау ұйымы коронавирусты пандемия деп жариялады

Ұйым індетпен күрес шараларының жеткіліксіздігі мен оның кең таралуына алаңдаулы

Фото:shutterstock.com

Дүниежүзілік денсаулық сақтау ұйымының Бас директоры Тедрос Адхан Гебрейесус әлемде COVID-19 инфекциясының кең таралуына байланысты коронавирусты «пандемия» деп жариялады, деп жазады Интерфакс агенттігі.

«Біз COVID -19-ға қатысты қалыптасқан  жағдайды пандемия деп сипаттауға болады деген қорытындыға келдік»,–деді ол Женевада өткен баспасөз мәслихатында. 

ДДСҰ басшысы ұйым коронавирустқа байланысты әлемдегі жағдайды тәулік бойы бақылап отырғанын жеткізді.

«Біз коронавирустың осындай қорқынышты қарқынмен таралуына да, сонымен бірге оны ерен қылмай, алаңсыз отырғанға да алаңдаулымыз», – деді ол. 

Гебрейесус «алдағы күндері COVID -19  инфекциясын жұқтырғандардың саны, соның салдарынан қайтыс болғандардың және ауру таралған елдерің саны күрт өседі деп күтіп отырмыз» деп мәлімдеді.

ДДҰ критерийлеріне сәйкес, пандемия – жаңа аурудың әлемдік ауқымда таралуы. Мысалы, тұмау пандемиясы жаңа вирусы пайда болып, ол  бүкіл әлем бойынша таралғанда және адамдардың басым бөлігінің иммунитеті төмен болғанда жарияланады.

banner_wsj.gif

drweb_ESS_kursiv.gif