Қырғызстанда халық санағы 2022 жылы өтеді
Министрлер кабинеті елдегі жалпы халық және тұрғын үй санағын өткізу күні туралы шешім қабылдады. Оны өткізу мерзімдері Министрлер Кабинетінің қаулысымен бекітілді. Бұл туралы 24.kg сайты хабарлады.
Республиканың шалғай аудандарында халық санағы 2022 жылдың 23 сәуірі мен 2 мамыры аралығында өтеді. Ал елдің қалған бөлігінде – 2022 жылдың 25 наурызы мен 3 сәуірі аралығында.
Санаққа Қырғызстанның барлық азаматтары, ел аумағында тұрақты тұратын немесе уақытша болатын шетел азаматтары мен азаматтығы жоқ адамдар, сондай-ақ халық және тұрғын үй қорын санағы кезінде уақытша болмаған қырғызстандықтар жатады. Сонымен қатар, олар ел аумағында орналасқан барлық тұрғын үй-жайлардың санағын жүргізеді.
2022 жылдың 31 желтоқсанына дейін халық санағының жүргізілуіне байланысты елді мекендер мен көшелердің атауларын өзгерту процесі тоқтатылды.
Еске салайық, өткен жылы жалпы халық санағы өтуі тиіс болатын. Бірақ коронавирустың өршуіне және оқшаулауға байланысты ол белгісіз уақытқа кейінге шегерілді.
