Ердоған: Түркияның мақсаты – жол қозғалысы құрбандарының санын нөлге дейін азайту
Жарияланды
Түркия жолдағы өлім-жітімді 50 пайызға азайту мақсатына қол жеткізген әлемдегі екі елдің бірі
Ердоған: Түркияның мақсаты – жол қозғалысы құрбандарының санын нөлге дейін азайту. Түркия Президенті Жол қауіпсіздігі жөніндегі іс-қимыл жоспарының таныстырылымында сөз сөйледі. Бұл туралы Анадолу сайты хабарлады.
Түркия жолдағы өлім-жітімді 50 пайызға азайту мақсатына қол жеткізген әлемдегі екі елдің бірі.
Мемлекет басшысы азаматтарды жол ережелерін қатаң сақтауға шақырды.
«Түркияның мақсаты – жол-көлік оқиғалары салдарынан болатын апаттар мен қаза болғандардың санын нөлге дейін азайту», – деді Ердоған.
Мемлекет басшысы жаяу жүргіншілердің, мотоцикл жүргізушілерінің, велосипедшілердің, мүгедектер мен қарттардың қауіпсіздігін қамтамасыз ету Түркияда жол қауіпсіздігінің басым бағыттарының бірі екенін атап өтті.
