Джек Ма бір күнде 3,5 миллиард долларынан айырылды

Қытайлық миллиардерлер Alibaba компаниясының негізін қалаушы Джек Ма монополияға қарсы тергеуге байланысты Alibaba акцияларының құлдырауынан бір күнде 3,5 миллиардтан аса доллар жоғалтты, – деп хабар лайды Тengrinews.kz РИА Новости сілтеме жасап.

Джек Ма-ның байлығы Forbes Real-Time рейтингісіне сәйкес, сауда-саттықтың жабылуында 57,3 миллиард долларға бағаланды. Ол бір тәулікте 3,6 миллиардынан айырылған. 

 «Бейсенбіде Гонконг пен Нью-Йорк биржаларындағы Alibaba акциялары монополияға қарсы тергеу туралы жаңалықтардан кейін айтарлықтай зардап шекті. Компанияның Гонконгтегі акциялары 8,1 пайызға, ал NASDAQ биржасында – 13,3 пайызға арзандады», – деп жазылған басылымда.

Бұған дейін Қытайдың нарықты бақылау және реттеу жөніндегі бас мемлекеттік басқармасы Alibaba-ға қатысты монополияға қарсы тергеуді бастағаны хабарланған болатын. Компания өз кезегінде билікпен белсенді ынтымақтасуға дайын екенін және тергеуге қарамастан қалыпты жұмысын жалғастыратынын мәлімдеді.