1 view

Жамбыл облысында құны 810 млрд теңгелік комбинат салынып жатыр

Жобада 5 млн тоннаға дейін кен өндіру мен өңдеуді жоспарланған

Фото: invest.gov.kz

Жамбыл облысы Қордай ауданында жаңатау-кен металлургия комбинатының қазығы қағылды. Бұл туралы «KAZAKH INVEST» ҰК» АҚ баспасөз қызметі хабарлады. 

Жобаны «KAZAKH INVEST» ҰК» АҚ қолдауымен «Monterra Group AG» (QuestaCapital GmbH) герман компаниясы жүзегеасырады. Құрылыстың салтанатты ашылу рәсіміне ГФР-ның Қазақстан Республикасындағы Төтенше және Өкілетті Елшісі Тилло Клиннер, Индустрия және инфрақұрылымдық даму министрі Бейбіт Атамқұлов, Сыртқы істер министрінің орынбасары Алмас Айдаров, Жамбыл облысының әкімі Бердібек Сапарбаев, «Monterra Group AG» Басқарма төрағасы Кристиан Граф Фон Страхвитц, сондай-ақ «KAZAKH INVEST» ҰК» АҚ сервистік қолдау департаменті директорының орынбасары Марат Есенов қатысты.

Жобада 5 млн тоннаға дейін кен өндіру мен өңдеуді жоспарланған. Жобаны іске асыру 3 кезеңен тұрады. Инвестицияның жалпы көлемі 810 млрд теңгені құрайды. Пайдалануға берілгеннен кейін комбинатта 2800-ден астам адам жұмыспен қамтылады. Жобаны іске асыру мерзімі 2049 жылға дейін есептелген.

    «Бүгінде «Монтерра Қазақстан» компаниясының бағалы металдарды өңдеу жәнеалтын кен орындарын игеру бойынша ірі өнеркәсіптік нысаны қаланды. Біз бұл жоба өңірдің әл-ауқатын жақсартуға мультипликативті әсер береді - жергілікті халықарасында жұмыспен қамтылғандар санын арттыруға көмектеседі және аралас салаларды дамытуға ықпал етеді деп сенеміз», - деп атапөтті Алмас Айдаров.

Инвесторлардың айтуынша, кәсіпорын Доре қорытпасында алтын өндіруді жоспарлап отыр. 1 кезекті жүзеге асыру аясында – жылына 1 тоннағадейін. Екінші кезеңді жүзеге асыру жылына 5 тоннаға дейін өндіруге мүмкіндік береді. 3-кезеңде «Monterra Group» компаниясы жыл сайын 10 тоннаға дейін алтын шығаруды жоспарлап отыр. Айта кету керек, қолданыстағы заңнамаға сәйкес осы қымбат металды елден шетелге шығаруға тыйым салынған.

   «Барлық жұмыстар экологияның барлық талаптарын, заманауи технологияларды қолдануды, қауіпсіздік техникасы ережелері мен нормаларын ескере отырып, жоғары деңгейде жүргізілуде. «Monterra Group» жұмысындағы негізгі басымдық – бұл тұрақты даму, сондықтан қоршаған ортаны қорғау жөніндегі барлық міндеттер халықаралық және еуропалық стандарттарға сәйкес іске асырылады. Біз экологияны қорғауға барынша жауапкершілікпен қараймыз және геологиялық барлау жұмыстарын жүргізу кезеңінде Қазақстан мен Германияның мамандандырылған ұйымдарын тарта отырып, үнемі экологиялық мониторинг жүргіземіз», - деп мәлімдеді Кристиан Граф Фон Страхвитц.

Қаратас-Майбұлақ алаңы учаскелеріндегі кен орындарында өндіру жерасты тау-кен қазбаларына өтетін ашық карьерде жүзеге асырылатын болады. Өндірілетін кендерде көміртекті материалдың, күшән мен полиметалдардың көп болуына байланысты жобада Еуропада қолданылатыналынған концентраттарды өңдеудің заманауи технологиялары (Albion Process) қолданылатын болады.

    «Өз тарапынан KAZAKH INVEST осы ірі жобаны іске асыруда жан-жақты қолдау көрсетугедайын. Германиялық бизнесмендер инвестициялық келісімшарт жасасуды жоспарлап отыр, оның аясында бірқатар жеңілдіктер мен преференцияларалады. Бұл жоба бағалы металдарды қайта өңдеу саласындағы өңірдің әлеуетін бағын ашуға көмектеседі, жергілікті халықтың әл-ауқатынжақсартады және Қазақстан мен Германия арасындағы іскерлік және достық байланыстарды нығайтуға қосымша серпін береді», - деп хабарлады «KAZAKH INVEST» ҰК» АҚ сервистік қолдау департаменті директорының орынбасары Марат Есенов.

Айта кетейік, «Monterra Group AG» компаниясы 2020 жылы Жамбыл облысының экономикасына 2,3 млрд теңгеден астам инвестиция салды. Биыл инвесторлар шамамен 7 млрд теңге салуды жоспарлап отыр.

«Курсивті» кез келген жерде оқыңыз. Бизнес әлеміндегі ең өзекті жаңалықтар Telegram және Facebook


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер