1 view

Елімізде өндірістік жарақаттану деңгейі 9%-ға төмендеді

Қаңтар-наурыз айларында 310 адам зардап шекті

Фото: ЕХӘҚМ баспасөз қызметі

ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің дерегі бойынша, ағымдағы жылдың 1-тоқсанында Қазақстанда өндірістік жарақаттану деңгейі 9,1%-ға төмендеді. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.  

2021 жылдың қаңтар-наурыз айларында өндірістегі жазатайым оқиғалардың салдарынан 310 адам зардап шекті, ал өткен жылдың сәйкес кезеңінде зардап шеккендер саны 341 адамды құрады.

Бұл ретте оқыс оқиғалар салдарынан қаза тапқандардың саны төрттен бірге қысқарды: ағымдағы жылы – 38 адам, ал 2020 жылдың I тоқсанында – 51 адам.

Өндірістік жарақаттанудың жоғары деңгейі Қарағанды (65 адам зардап шекті), Шығыс Қазақстан (34 адам), Ақтөбе (29 адам), Қызылорда (22 адам), Қостанай (21 адам), Түркістан (18 адам) және Батыс Қазақстан (17 адам) облыстарында сақталуда.

Бірқатар өңірде I тоқсанда өндірістегі жазатайым оқиғалар салдарынан зардап шеккендер саны Ақтөбе облысында 25-тен 29 адамға дейін, Атырау облысында 6-дан 10 адамға дейін, Қызылорда облысында 14-тен 22 адамға дейін және Павлодар облысында 13-тен 15 адамға дейін өсті.

Жазатайым оқиғалар салдарынан қаза болғандар саны 2020 жылдың ұқсас кезеңімен салыстырғанда Ақтөбе (4-тен 7 адамға дейін), Жамбыл (2-ден 4 адамға дейін), Қызылорда (3-тен 6 адамға дейін), Батыс Қазақстан (2-ден 3 адамға дейін) облыстарында көбейді.

«Курсивті» кез келген жерде оқыңыз. Бизнес әлеміндегі ең өзекті жаңалықтар Telegram және Facebook


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер