Елімізде теміржолдың жылжымалы құрамы жаңартылуда

Қазақстанда теміржолдың жылжымалы құрамы жаңартылуда.Бұл жұмыс «Нұрлы жол» мемлекеттік бағдарламасы аясында жүргізіліп жатыр. Бұл туралы ҚР индустрия және инфрақұрылымдық даму министрлігінің Telegram каналы хабарлады.

Министрліктің алқа мәжілісінде вице-министр Берік Камалиев тиісті сандарды келтірді. 

2020 жылы Нұр-Сұлтан – Арқалық, Атырау – Маңғыстау, Алматы – Жезқазған, Нұр-Сұлтан – Семей, Қызылорда – Семей, Алматы – Өскемен және Алматы – Маңғыстау бағыттарына 100 жолаушы вагоны сатып алынды.
Сондай-ақ, өз елімізде жасалған 20 жүк локомотиві сатып алынды (53 млрд.тг.).

2021 жылы Алматы-Маңғыстау және Атырау-Алматы бағыттарына тағы 43 жолаушылар вагонын сатып алу жоспарланып отыр.

 Сондай-ақ, 60 локомотив сатып алу жоспарда бар: оның 31-і жүк және 29-ы жолаушылар тасымалына арналған.