Қазақстан Әзірбайжан елінен қызанақтарды алып келуге уақытша тыйым салды

Жарияланды
Бақылау кезінде Tomato brown rugose cfruit virus (ToBRFV) вирусы анықталды

2021 жылғы 16 қаңтардан бастап ҚР АШМ Агроөнеркәсіптік кешендегі мемлекеттік инспекция комитеті карантиндік фитосанитариялық шара ретінде Әзірбайжан Республикасының аумағынан қызанақты алып келуге уақытша шектеу енгізді.Бұл туралы Ауыл шаруашылық министрлігінің баспасөз қызметі хабарлады.

Әзірбайжан елінен жеткізілген қызанақ жемістеріне карантиндік фитосанитариялық бақылау жүргізу кезінде 17 жағдайда Tomato brown rugose cfruit virus (ToBRFV) вирусы анықталды. Осыған байланысты Комитет уақытша карантиндік фитосанитариялық шара енгізді.

ISPM №13 «Сәйкестік және төтенше жағдайлар туралы ескерту нұсқаулығы» Халықаралық стандарттарына сәйкес Әзірбайжан агенттігіне тиісті нотификациялар жіберілді.

Қазақстан Республикасының аумағында вирустың таралуына жол бермеу мақсатында шектеу шаралары 2021 жылғы 16 қаңтардан бастап енгізілді.

Қызанақ жемістерінің Tomato brown rugose cfruit virus (ToBRFV) вирусы алқа тұқымдастары дақылының 30-70% өсімінің төмендеуіне алып келуі мүмкін.

Сондай-ақ оқыңыз