Нұр-Сұлтанда инженерлік желілер цифрландырылады

Цифрландыру барлық инженерлік желілерді ашық көруге мүмкіндік береді

Фото: Нұр-Сұлтан әкімдігінен

Инженерлік желілерді цифрландыру жөндеу жұмыстарын уақтылы жүргізуге, қажет болған жағдайда қуатты ұлғайтуға мүмкіндік береді. Бұл туралы Нұр-Сұлтан қаласының әкімі Алтай Көлгінов өзінің Instagram парақшасында жазды.

«Елорда көшелері мен даңғылдарының астында мыңдаған шақырым инженерлік желілер жатыр. Олар: су, электр, кәріз, байланыс желілері. Қалалықтардың тұрмыс сапасы осы желілердің үздіксіз жұмыс істеуіне тікелей байланысты. Қазір желілерді цифрландырумен айналысып жатырмыз. Бұл жұмыстардың өзектілігі сол, қағаз жүзінде инженерлік желілердің орналасқан жері мен жай-күйі туралы мәліметтер әрдайым сәйкес келе бермейді. Осыған байланысты тұрғындар уақытша сусыз, электрсіз отыруға мәжбүр болған кезде апатты жағдайлар болып жатады.

Цифрландыру барлық инженерлік желілерді ашық көруге мүмкіндік береді. Оларға түсетін салмақ пен ахуалы анық көрінеді. Бұл жөндеу жұмыстарын уақтылы жүргізуге, қажет болған жағдайда қуатты ұлғайтуға, тәуекелдерді азайтуға және жаңа объектілерді инженерлік желілерге қосу процесін жеңілдетуге мүмкіндік береді. Ғимараттарды салу кезінде ұзақ әрі маңызды процестердің бірі – инженерлік желілерге қосу.

Сонымен қатар, ғимараттарды, жер учаскелерін цифрландырамыз (жер учаскелері мәселелері бойынша мемлекеттік қызметтерді көрсету онлайн режимінде өтеді), бұл жер учаскелерінің игерілуін онлайн бақылауға мүмкіндік береді. Сондай-ақ қаланың 3D моделін құру бойынша жұмыс істеп жатырмыз. Қазіргі уақытта қаланың 50% цифрландырылды. Геоақпараттық портал жылдам қарқынмен кеңейіп келе жатқан қала үшін маңызды. Әрі құрылыс процестерін болжауға және модельдеуге мүмкіндік береді. Аудандарды мектептермен, балабақшалармен, ауруханалармен және басқа да маңызды объектілермен қамтамасыз ету қажеттілігі біркелкі бөлінетін болады.

Портал сондай-ақ бірнеше карта жасауға мүмкіндік береді. Мысалы, ТЖД қажеттіліктері үшін қауіп қатерлерді болжау карталары, кәсіпкерлер үшін – инвесткарта, ПИК (ОСИ) үшін-шатырды, коммуникация желілерін жөндеу бойынша жұмыстарды жоспарлау және т.б. Бұл арқылы жердің астында не болып жатқанын көруге болады.

Мемлекет басшысы Қазақстан халқына Жолдауында "Цифрландыру-барлық реформалардың негізгі элементі", – деп атап өтті. Цифрландыру процесі бақылауымызда тұр», – деп жазды Алтай Көлгінов.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif