Киіктің мүйізін сатқысы келген броконьер ұсталды

Жалпы саны тоғыз киік мүйізі сараптамаға жіберілді

Фото: Shutterstock

Алматы облысының тұрғыны киік мүйізінің төрт данасын өткізу кезінде ұсталған, – деп хабарлайды Polisia.kz сайты.

Көлік құралын тінту барысында одан өзге тағы бес мүйіз автокөліктің астынан табылды. 

 «Белгісіз ер адамның киік мүйіздерін сатқысы келетіні туралы бізге жедел ақпарат келіп түсті. Ақпарат бірден жұмысқа қабылданды. Осылайша, біршама уақыттан кейін Талдықорған қаласында арнайы операция барысында Текелі қаласының 46 жастағы тұрғыны ақшалай қаражатты беру кезінде ұсталды. ҚР ҚК 339-бабының 1-1-б. сәйкес басталған сотқа дейінгі тергеу амалдары барысында ұсталған азаматтың киік мүйізін қайдан сатып алғаны және қандай мақсатпен сатуға шешім қабылдағаны анықталатын болады. Барлық табылған заттай дәлелдемелер алынып, жалпы саны тоғыз киік мүйізі сараптамаға жіберілді», – деп хабарлайды Алматы облысы ПД Криминалдық полиция басқармасының бастығы Асхат Данияр. 

Полиция ұсталған азаматтың іс-әрекетінде қылмыс белгілері байқалатынын еске салады, бұл киікті заңсыз аулау, жою, сондай-ақ заңсыз ауланған киікті немесе оның дериваттарын, оның ішінде мүйіздерін сатып алу, сақтау, өткізу, әкелу, әкету, жөнелту, тасымалдау әрекеттері. Қылмыстың бұл түрі үш жылдан бес жылға дейінгі мерзімге бас бостандығын шектеу немесе мүлкі тәркіленіп, сол мерзімге бас бостандығынан айыру түріндегі жазаны көздейді.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif