Қазақстандық ет өңдеу кәсіпорындары тексеріліп жатыр

Талаптарға сәйкестігі тексеріледі

Фото: ҚР АШМ ресми сайтынан

Қытай халық республикасына ет өнімдерінің экспортын кеңейту мақсатында Ауыл шаруашылығы министрлігі қазақстандық ет өңдеу кәсіпорындарын тексеру жұмыстарын бастады. Бұл туралы ҚР АШМ баспасөз қызметі хабарлады. 


Әдетте, қазақстандық ауыл шаруашылығы өнімдерін өндірушілерді ҚХР Бас кеден басқармасының тізіміне енгізер алдында қытайлық мамандар кәсіпорындардың экспорттаушыларға қойылатын талаптарға сәйкестігін тексеру үшін өз бетінше көшпелі инспекциялар жүргізеді. Алайда, COVID-19 пандемиясына байланысты мұндай сапарларды жүзеге асыруда қиындықтар туындады, сондықтан ҚР Ауыл шаруашылығы министрлігі кәсіпорындарды қазақстандық мамандардың күшімен тексеруді ұсынды.


Тексерудің маңыздылығы мен  жауапкершілігі жоғары болғандықтан Министрлік мамандардың озық тобын жасақтады. Оның құрамына ҚР АШМ Ветеринариялық бақылау және қадағалау комитетінің, мал шаруашылығы өнімдерін өндіру және қайта өңдеу департаментінің өкілдері, аумақтық инспекциялардың өкілдері, сондай-ақ «Ветеринария бойынша ұлттық референттік орталық» РМК өкілдері енгізілді.


Мамандар тобы өз жұмысын Ақмола облысындағы "KazBeef" компаниясын тексеруден бастады.


Тексеру парағында көрсетілген талаптарға сәйкестігін бағалау барысында қазақстандық мамандар анықталған кемшіліктерді жою бойынша түсіндірме жұмыстарын жүргізеді. Бұдан басқа, олар қазақстандық кәсіпорындар мен олардың өнімдері импорттаушы тараптың талаптарына сай болуы үшін өндірісті жақсарту бойынша ұсыныстар дайындайды.


ҚР АШМ фото және бейне материалдармен бірге инспекция туралы есептерді ҚХР Мемлекеттік техникалық университетіне жібереді, ал егер қосымша сұрақтар туындаса, мамандарды қосымша онлайн тексеруге кәсіпорынға жібереді.


Ағымдағы жылдың маусым айында Ауыл шаруашылығы министрлігі ҚХР Мемлекеттік техникалық университетіне салалық қауымдастықтардан алынған 34 қазақстандық кәсіпорындардың жаңартылған тізімін жіберді (30 ет өңдеу және 4 шошқа шаруашылығы). Кәсіпорындарды Қытай Халық Республикасының Мемлекеттік техникалық университетінің тізіміне тіркеу үшін барлық қажетті құжаттармен бірге өтініштер жіберілді.


Анықтама:
«KazBeef» компаниясы 10 жылдан бері Қазақстанда асыл тұқымды ірі қара мал және сиыр етін өндірумен айналысып келеді. Компанияның мақсаты – сапаны бақылау. Оған жемшөп өндірісі, асыл тұқымды репродуктор, бордақылау алаңы мен ет өңдеу кешені кіреді.  Компания тамақ өнімдері қауіпсіздігінің заманауи халықаралық стандарттарын (FSSC 22000) енгізді. FSSC 22000 сертификаттау аясында компания жыл сайын тамақ өнімдерінің қауіпсіздігін басқару бойынша халықаралық аудиттен өтеді, ал қызметкерлер тиісті дайындықтардан өтеді. Барлық өнімдер халал стандартына (ҚМБД және AHIK) сәйкес шығарылады.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif