Алматыда 1200 мұқтаж жанға құрбандыққа шалынған ет таратылды

Белгіленбеген орындарда мал сойып, оны сатудың 14 фактісі анықталды

Фото: Shutterstock

Құрбан айттың бірінші күні, Qurban-2020 онлайн платформасы арқылы 296 бас құрбандық малы, сонымен бірге 6 ірі мал шалынды. Бұл туралы Алматы әкімдігінің Telegram каналы хабарлады.

Мұқтаж жандарды қамту бойынша барлық шаралар қолға алынған. Барлық құрбандық еті 1200 мұқтаж адамға таратылды. Құбандыққа шалынған етті тарату үшін 80 волонтер, 6 шағын автобус, 30 жеңіл автокөлік тартылды.

Қаланың бас мемлекеттік санитар дәрігерінің қаулысына сәйкес, коронавирус инфекциясының таратпау мақсатында 31 шілдеден 2 тамыз аралығында келесі тізімде тыйым салынғанын еске саламыз: 

- Меншік иесіне қарамастан, барлық ұйымдарда, сонымен бірге, жекеменшік үй-жайлар мен медреселерде адамдардың жаппай жиналуымен өтетін шараларды өткізуге;

- Алматы қаласының аумағында автокөліктер арқылы мал сойысын ұйымдастыруға және союға, және жекеменшік үй-жайларда мал сатуға.

Сонымен бірге, белгіленген мерзімде Алматы қаласының Орталық мешітімен бекітілген онлайн режимде құрбандық шалуды жүзеге асыратын орындарды қоспағанда, мал сататын цехтар мен базарлардың жұмысы тоқтатылды. 

Қаулыны орындау мақсатында Дін істері жөніндегі басқарма, Полиция департаментінің ЖПҚ, СЭС және ветеринарлық қызметкерлерімен мешіттерде, базарларда, қайырымдылық  мекемелерінде, май соятын цехтарда және басқа орындарда кезекшілік ұйымдастырылған. 

Қазақстан Мұсылмандары діни басқармасы хабарлағандай, 31 шілде күні белгіленбеген орындарда мал сойып, оны сатудың 14 фактісі анықталды. Азаматтарды санитарлық талаптарды сақтауға шақырамыз, белгіленбеген орындарда мал сойып, оны сату коронавирус инфекциясының таралуына әкелуі мүмкін. Барлығынан қоғамдық тәртіпті бұзбауға шақырамыз.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстанда карантинді біртіндеп жеңілдету жоспарланып отыр

Елдегі эпидемиологиялық ахуал тұрақтанған

Фото: Асқар Ахметуллин

Үкімет басшысы Асқар Мамин Денсаулық сақтау министрлігіне карантин шараларын кезең-кезеңімен алып тастау жоспарын мемлекеттік комиссия қарауына ұсынуды тапсырды. 

Денсаулық сақтау министрі Алексей Цойдың айтуынша, елдегі эпидепиологиялық ахуалдың біршама тұрақтануы 5 тамызға дейін жариялаған карантинді біртіндеп жеңілдетуге мүмкіндік береді. 

Қазіргі кезде елімізде коронавирус жұқтырғандардың саны 100 мыңнан асып, соның ішінде  73702 пациент емделіп шықса, 1269 адам қайтыс болды. Сонымен қатар КВИ белгілері бар пневмонияны 13 337 адам жұқтырған, бұл аурудан 173 адам көз жұмды. 

«Жалпы қабылданған кешенді шаралардың нәтижесінде еліміздегі коронавирустың таралуы деңгейі және осыған байланысты барлық көрсеткіштер қарқынды төмендеуі тіркеліп отыр. Соның ішінде вирустық репродуктивтілік деңгейінің орташа көрсеткіші 0,82 пайызға дейін төмендеді. Емделіп шыққандардың үлесі 73,6 пайызды құрап отыр», - деді Асқар Мамин Үкімет отырысында.

Алексей Цой  келтірген мәлімет бойынша, вирус репродуктивтілігі немесе 1 науқастың өзгелерге жұқтыру көрсеткіші 1,72 болатын. Карантин енгізгеннен кейін репродуктивтілік көрсеткіші екі есе, 0,82-ге дейін төмендеген. Бес апталық каран ин кезінде ауру-сырқауда азайған. Керентинге дейін 100 адамғар шақққанда 56,73 адама вирус жұқтырса, шектеу шараларының арқасында бұл сан 36,2 дейін азайған. 

Осы аралықта ауруханадағы орындар жүктемесі 62%-ға азайған. Мобильді бригадалардың қатары 7,6 есе өсіп, қазір 3640 бригада жұмыс істеп тұр. Жедел жәрдем шақыру 62%-ға,  жалпы ел бойынша аурудың күн сайынғы өсімі 2 есе төмендеген. 

«Караннтиді тек қатаң түрде маска тағып, бұкіл ақпарат арналары арқылы  халық арасында түсіндіру жұмыстарын кеңінен жүргізу арқылы ғана жеңілдету керек», – деді Цой. 

Карантин шараларын кезең-кезеңімен жеңілдету жайлы нақты жоспар бейсенбі күнгі үкімет отырысында қаралатын болады. 

 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg