Жертөледе белгісіз адамдар ұстап отыр

“102” телефонына жалған қоңырау шалған ер адам анықталды 

Фото: Polisia.kz сайты

Павлодар облысында ішімдік ішкен ер адам “102” телефонына жалған қоңырау шалды, – деп хабарлайды Polisia.kz сайты.

 “102” телефоны – әр адам бала кезінен білетін ең маңызды нөмірлердің бірі. Алайда, кейде бұл нөмір полицияға жалған хабарлармен жүгінетін бұзақылықтардың объектісі болады. 

Полиция қызметкерлері қызметінің маңыздылығын түсінбей және салдары туралы ойламай, өзінің жеңіл мінез-құлқына байланысты, не мас күйде бола тұра, адамдар полицияға көрінеу жалған шақыру жасайды.
 Ал жалған хабар бойынша шыққан полицейлер азаматтардың өмірі мен денсаулығын сақтау үшін дәл осы сәтте қажет болуы мүмкін уақытты жоғалтады. Полицияға келіп түсетін барлық қоңыраулар тіркеледі және тексеріледі. Осы жылдың кезеңінде “102” арнасына полиция қызметкерлері 57 500-ге жуық қоңырау қабылдады. Олардың 17-сі жалған болып шықты. 

Мысалы, “Теле-2” операторына көмек көрсету туралы өтініш келіп түсті. Қоңырау шалған ер адам өзін таныстырмады және оны жертөледе белгісіз адамдардың ұстап отырғанын, оның қолдары байлаулы екенін және басқа адамға қоңырау шалудың мүмкіндігі жоқ екенін түсіндірді. Оператор жедел түрде полицияға шақыру берді. Жедел-іздестіру іс-шаралары барысында қоңырау шалған адам анықталды. Өз қылығын ол жалғыздықта ішімдік ішіп отырып, мобильді операторына қоңырау шалып, ойдан шығарған оқиғаны айтуды шештім деп түсіндірді. 

Қаскүнем өз кінәсін мойындады. Аталған факті бойынша ол ҚР ӘҚБтК-нің 438-бабы 1-бөлігі бойынша әкімшілік жауапкершілікке тартылды.


 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg