Сайран көліне шомылуға тыйым салынды

Алмалы ауданының әкімдігінде қатаң шектеу шараларын түсіндірді

Фото: Kursiv.kz

Алмалы ауданының әкімдігінде Алматы қаласында ағымдағы жылдың 5 шілдесінен 20 шілдесіне дейінгі кезеңде эпидемиологиялық жағдайды тұрақтандыру үшін енгізілетін шектеу шаралары кезінде жұмыстарын тоқтатын нысандар туралы айтылды. Бұл туралы Алматы қаласы әкімдігінің баспасөз қызметі хабарлады. 

Алмалы ауданында келесі нысандардың қызметіне уақытша тыйым салынды:
• Іштерінде азық-түлік супермаркеттері, дәріханалар және жазғы терассалары бар және кіретін есігі бөлек стационарлы тамақтану нысандарынан басқа, 25 СОО, СО және СҮ тыйым салынған;
• Жеңіл конструкциялы шатыр астында орналасқандардан басқа, жабық азық-түліктік және азық-түліктік емес базарлар;
• 19 діни нысан;
• 39 компьютер клубы;
• 4 кинотеатр;
• 309 сұлулық салоны және шаштараздар;
• ойын-сауық мекемелері.

Сонымен бірге, СПА-орталықтар, қоғамдық моншалар, сауналар, массаж кабинеттерінің қызметі тоқтатылды, барлық спорт нысандарына, білім беру орталықтарына, балалардың түзету кабинеттеріне, мектепке дейінгі мекемелерге (кезекші топтардан басқа), балалардың бос уақытын өткізу және қосымша оқыту орындарына, фудкорттарға, банкет залдарына, аумағы 500 шаршы метрден асатын азық-түліктік емес дүкендерге тыйым салынған, алайда тапсырысты жеткізіп беруге рұқсат етілген.

Сондай-ақ, Сайран көліне суға түсуге тыйым салынған.
Қызметтеріне рұқсат етілген ұйымдардың, кәсіпорындардың басшыларына меншік иесінің формасына қарамастан, нысандарда күшейтілген санитарлық-дезинфекциялық режимді орындап, қызметкерлердің де, келушілердің де санитарлы-карантинді және шектеу шараларын сақтауын қамтамасыз ету керек.

Аудандық әкімдікте хабарлағандай, карантин кезінде жолдың жүретін бөлігіне, тротуарларға, адамдар көп жүретін орындарға іргелес орналасқан аумақтарға, скверлердегі орындықтарға және шағын архитектуралық формаларға, саябақтарға, жасыл аймақтарға, контейнерлі қоқыс алаңдарына, 11 жерасты және 1 жерүсті жаяу жүргіншілердің өтпе жолдарына дезинфекция жүргізіледі.

Ауданда құрамына Тауарлар мен қызметтердің сапасы мен қауіпсіздігін бақылау аудандық басқармасының, жергілікті полиция қызметі және аудандық әкімдік қызметкерлері енген мобильді топтар санитарлы-карантин талаптарының және қатаң шектеу шараларының сақталуын қамтамасыз ету бойынша мониторинг және бақылау жүргізеді.

Алмалы ауданының тұрғындарын оқшаулану қағидасын, маска режимі мен әлеуметтік қашықтықты қатаң ұстануға шақырады.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg