Отандық кәсіпорындар дәрілік препараттар шығарады

Төрт жаңа кәсіпорын іске қосылады

Фото: ҚР ИИДМ

ҚР Президенті жанындағы Орталық коммуникациялар қызметінде ҚР Индустрия және инфрақұрылымдық даму вице-министрі Аманияз Ержановтың қатысуымен брифинг өтті. Онлайн шарада дәрілік заттар мен ӨЖЖ аппараттарын өндіру, сондай-ақ жеке қорғаныс құралдарын өндіру барысы баяндалды. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.

Брифинг барысында Аманияз Ержанов журналистерге ыстықты түсіретін және вирусқа қарсы дәрі-дәрмектердің отандық өндірушілері туралы, сондай-ақ медициналық бетперделер шығаратын төрт жаңа кәсіпорынның іске қосылуы туралы егжей-тегжейлі айтып берді.

Бүгінде елімізде фармацевтика бағытында 89 кәсіпорын жұмыс істейді, оның ішінде дәрілік заттарды өндіру бойынша – 33, медициналық мақсаттағы бұйымдар - 41 және медициналық техника өндірісі бойынша – 15. Дәрілік заттардың негізгі өндірісі Алматы мен Шымкент қалаларында, Алматы облысында орналасқан 10 кәсіпорында, сондай-ақ бір кәсіпорыннан Қарағанды облысы мен Ақтөбе қаласында жүзеге асырылады.

Отандық кәсіпорындар 1000-ға жуық дәрі-дәрмектерді шығарады, олардың ішінде жедел респираторлық ауруларды (ЖРА) және олардың асқынуларын (бронхит, пневмония) емдеуге бағытталған вирусқа қарсы, қабынуға қарсы дәрілік препараттар мен антибиотиктер бар. Ыстықты төмендететін және вирусқа қарсы препараттардың негізгі өндірушілері: «Нобел АФФ» АҚ және «Глобал Абди Ибрахим» ЖШС, «Эйкос – Фарм» ЖШС, «Фарм Ақтөбе» ТК және «ВИВА ФАРМ» ЖШС.

    «Қазіргі уақытта Министрлік ішкі нарықты өз өнімдерімен қамтамасыз ету үшін жеке қорғану құралдарын өндіру қуатын арттыру бойынша жұмыстарды жалғастыруда. Бүгінде тоғыз отандық кәсіпорын тәулігіне 490 мың дана бетперде өндіре алады. Денсаулық сақтау министрлігінің ақпараты бойынша, 6 айға есеп бойынша маскаларға қажеттілік денсаулық сақтау жүйесі және мемлекеттік органдар үшін 111,2 млн. дананы құрайды. Бұл қажеттілікті қанағаттандыру республиканың барлық өңірлерінен медициналық маскалар мен тігін кәсіпорындарының жұмыс істеп тұрған өндірістерінің көлемін ұлғайту, сондай-ақ төрт жаңа өндірісті іске қосу есебінен медициналық және профилактикалық қорғаныш маскаларын шығару тәулігіне 1,1 млн. данаға дейін жеткізілді», - деді Аманияз Ержанов.

Сонымен қатар, вице-министр бүгінде Денсаулық сақтау және Қаржы министрліктерімен өкпені жасанды желдету аппараттарының өндірісін ұйымдастыру, ӨЖЖ аппараттарын өндіруді қаржыландырудың жеңілдетілген тетігі және өңірлер бойынша жеткізу үшін қажетті ӨЖЖ аппараттарының нақтыланған тізбесін анықтау бойынша бірлескен жұмыстың жалғасып жатқандығын атап өтті. 3000 бірліктегі ӨЖЖ стационарлық аппараттарына болжамды қажеттілікті ескере отырып, біздің өндірушілер оны жыл соңына дейін айына 550 бірлік есептік орташа өндірістік қуатпен жабады. Алғашқы 50 ӨЖЖ аппараты осы айда жеткізілетін болады.

Шілде айының соңына дейін «Тыныс» АҚ Денсаулық сақтау министрлігі мен әкімдіктерге 270 ӨЖЖ мобильдік аппаратын жеткізеді. Кәсіпорынның айына 500-ге дейін ӨЖЖ аппаратын шығаруға мүмкіндігі бар. Бұдан басқа, біздің автоөндірушілермен бірлесіп жедел жәрдем машиналарын мобильді аппараттармен жабдықтау бойынша жұмыстар жүргізілуде. Осылайша, қазақстандық кәсіпорындар қосымша қажеттіліктерді ескере отырып, жыл соңына дейін 4930 стационарлық және 2695 ӨЖЖ мобильді аппараттарын шығара алады.

Сонымен қатар, брифинг барысында Аманияз Ержанов 2020 жылдың бірінші жартыжылдығындағы фармацевтика саласының қорытындылары туралы айтып берді. Фармацевтика саласында НКИ өндірісі көлемінің өткен жылдың сәйкес кезеңімен салыстырғанда 123,6%-ға өсуі байқалады. Осылайша, 2020 жылғы қаңтар-маусымында отандық кәсіпорындар 58,5 млрд.теңгеге дәрілік заттар, маскалар - 65,0 млн. данадан астам, қолғаптар - 60 млн. жұп және 2,0 млн. дейін қорғаныш костюмдерінің жиынтығын өндірді, сондай - ақ өңірлер мен ҚР ДСМ-не 410 бірлік ЭЖЖ аппараты өндіріліп, жіберілді.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg