Қазақстандық дипломаттар дәрігерлерге қолдау көрсетеді

Сыртқы істер министрлігінің ұжымы қызметкерлердің жалақысынан ерікті негізде қаражат жинамақ

Фото: Shutterstock

Коронавирус пандемиясы өмірімізге кенеттен келіп, бүкіл әлемге тез тарады. 500 мыңнан астам адамның өмірін алып кетті және ғаламшар тұрғындарының денсаулығы мен әл-ауқатына зор зиян келтірді. Бұл туралы  Қазақстан Сыртқы істер министрлігінің ресми Telegram каналы хабарлады.

Біздің еліміз де күрделі кезеңді бастан өткеруде, отандық денсаулық сақтау жүйесі өз мүмкіндігі шегінде жұмыс істеуде. Дәрігерлер мен медицина қызметкерлері күн сайын өздерінің кәсіби және азаматтық борышын адал орындап, вирус жұқтыру қаупіне ұшырайды. Мұндай сәттерде ынтымақтастық пен адамдарды өзара қолдау маңызды.

Президент Қасым-Жомарт Тоқаевтың коронавирусқа қарсы ұлтты жұмыла күресуге шақырған үндеуін және 13 шілде күнін пандемияның құрбаны болған қазақстандықтарды жалпыұлттық аза тұту күні деп жариялау туралы шешімін қолдай отырып, Сыртқы істер министрлігінің ұжымы отандық медицина мұқтаждықтары үшін шетелден медициналық жабдықтар, дәрі-дәрмек және жеке қорғану құралдарын сатып алу үшін қызметкерлердің жалақысынан ерікті негізде қаражат жинауды шешті.

Сонымен қатар, Қазақстандық дипломаттар бірлестігі өз мүшелерін волонтерлік қызметке белсенді қатысуға шақырды және оларды біздің медиктерге практикалық көмек көрсету үшін жіберуге дайын.

Бұл бастамалар эпидемияға қарсы біздің жалпы күресімізге өз үлесін қосады деп үміттенеміз.


 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg