Қайтадан карантин! Алматыда қандай қатаң шектеулер енгізілді?

Қалада коронавирус өршіп тұр

Фото: Reuters

Алматы қаласында ертең, 21 шілдеден бастап қалалық бас санитар дәрігер Жандарбек Бекшиннің қаулысымен қатаң шектеу шаралары енгізіледі. Қазіргі таңда шаһарда Covid-19 дерегі өршіп тұрғаны белгілі. Күшейтілген карантиндік шаралар коронавирустық инфекцияның таралуын шектеуге бағытталған. 

•    Қаулыға сәйкес, қалааралық автобус тасымалы тоқтайды. Сондай-ақ сенбі-жексенбі күндері қала мен қала маңындағы қоғамдық көліктердің және метрополитеннің жұмыстары тоқтатылады. Ал қаулының 3-тармағы 8-тармақшасында көрсетілгендей кеңес, конференция, форум, тренинг, көрме, сондай-ақ отбасылық іс-шаралардың өткізілуіне тыйым салынған. Сонымен қатар мәдени, (музей, театр, көрме), діни нысандар, балаларды сауықтыру лагерьлері, білім беру орталықтары, аккредиттелген спорт базаларының қызметіне тыйым салынады. Ал өңірлер арасында жеке автокөліктердің жүрісіне тыйым салынбайды. 

•    Қаулыға сәйкес, ойын-сауық мекемелерінің де есігіне қайта құлып салынады. Яғни, караоке, бильярд, компьютерлік клуб, букмекерлік кеңсе, түнгі клуб, аттракцион, батут секілді орталықтардың жұмысы тоқтайды. Мұның ішінде кинотеатрлар да бар. Тек ашық ауада 30 орыннан аспайтын қоғамдық тамақтандыру нысандарының жұмысы жалғасады. Оның өзінде 22:00-ге дейін ғана. 

•    Тағы қандай нысандар жұмыс істемейді? 

    СПА-орталық; 
    Тренажер зал; 
    Фитнес-орталық; 
    Бассейн; 
    Қоғамдық жағажай; 
    Аквапарк; 
    Монша;
    Сауна;
    Сұлулық салоны; 
    Шаштараз;
    Массаж кабинеті; 
    Жабық азық-түлік және азық-түліктік емес базарлар.

•    Қандай нысандардың жұмысына рұқсат беріледі? (санитарлық-дезинфекциялық режимді сақтай отыра)

    Қаржы нарығы субъектілері (уақыты мен саны бойынша шектеулі); 
    Халыққа қызмет көрсету орталықтары (9:00-16:00); 
    «Қазпочта» АҚ (8:00-14:00); 
    Ашық ауадағы құрылыс жұмыстары; 
    Өнеркәсіптік кәсіпорындар; 
    Көлік жуу, автомобиль жөндеу, тұрмыстық техниканы жөндеу орындары (10:00-17:00); 
    Бизнес-орталықтар; 
    Айырбастау орындары; 
    Ломбардтар; (9:00-17:00); 
    Медициналық орталықтар; 
    Дәріхана; 
    Азық-түлік дүкендері; 
    Азық-түлік және азық-түліктік емес базарлар (ғимараттардан тыс жердегі). 

•    Қаулы бойынша, мемлекеттік орган, квазимемлекеттік сектор, ұлттық компания және кәсіпкерлік субъекті басшылары кем дегенде қызметкерлерінің 80 пайызын (егер штаттағы қызметкер саны 30-дан асса) қашықтан жұмыс істеу режиміне ауыстыруы тиіс. 

•    Мекемелер алдын ала жазылу бойынша қызмет көрсетеді. Ал қала тіршілігін қамтамасыз ету жөніндегі ұйым басшылары бұл мәселені жеке тәртіпте реттеуге міндетті. Сондай-ақ қарттар мен мүмкіндігі шектеулі адамдарға арналған медициналық, медициналық-әлеуметтік нысандарда, балалар үйінде, жасөспірім үйінде, оңалту орталықтарында, мүгедек балаларға арналған арнайы оқу орындарында карантин және санитариялық-дезинфекциялық режим қатаң сақталуы тиіс. 

•    Азаматтар қауіпсіздігін сақтау мақсатында халыққа қызмет көрсетуші мекемелер бір реттік маска, қолғап және температура өлшейтін құрылғылармен қамтамасыз етілуі тиіс. 

•    Барлық нысандар күшейтілген дезинфекциялық режимді ұстанады. Ол үшін қолды, дезкриктерді өңдеуге арналған санитерлерді орнатылып, дезинфекциялық құралдарды пайдалана отырып үй-жайларды ылғалдатып, желдету қажет. 

•    Аптасына 2 мәрте пәтерлі тұрғын үйлердің кіреберістері мен аула аумақтарына, көшелер мен жалпы пайдаланылатын орындарға, көп пәтерлі тұрғын үйлердің ошақтық кіреберістеріне дезинфекциялық өңдеу жүргізілуі керек. Бұл жұмысқа қалалық тұрғын үй саясаты басқармасы жауапты деп жазылған. 

Қаулыда «техникалық және медициналық оттегін өндірушілер қалалық ауруханаларды үздіксіз медициналық оттегімен жабдықтауда бірінші кезекте және басымдықты қамтамасыз етсін» деп атап көрсетілген. 

 «Осы қаулы Алматы қаласының аумағында меншік нысанына қарамастан барлық жеке және заңды тұлғалардың орындауы үшін міндетті. Осы қаулының орындалуын бақылауды өзіме қалдырамын. Осы қаулы 2020 жылдың 20 шілдесі 00 сағат 00 минуттан бастап күшіне енеді» делінген Жандарбек Бекшиннің жаңа қаулысының қорытынды сөзінде. 

Қаулыға сәйкес, азаматтар жұмыс пен қоғамдық орындарда маскалық режимді және әлеуметтік қашықтықты қатаң сақтауы тиіс. 

Соңғы дерек бойынша, елімізде коронавирус жұқтырғандар саны 70 339-ға жеткен. Алматы қаласында ауырғандар 9000 адамға жуықтап қалды. 5000-нан астам адам тәуір болып, 54 адам көз жұмған. 
 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Әлеуметтік маңызы бар 24 қызметке қалай онлайн тапсырыс беруге болады?

Қажетті құжаттарды үйден шықпай-ақ алыңыз

Фото: Shutterstock

Соңғы уақытта көпшілік eGov.kz порталын жиі пайдалана бастады. Порталды тек қана 42 500 теңгеге өтініш беру үшін ғана емес, басқа да қызметтері үшін жиі қолдануға мүмкіндік бар. 

    Көбіміз біле бермейтін, білсек те мән бермейтін қызметтер «Азаматтарға арналған үкімет» порталында самсап тұрғанын ескеру керек. Бір емес, 24 қызмет түрін үйде отырып-ақ рәсімдеуге болады. Аталған 24 қызметтің барлығы дерлік еңбек және халықты әлеуметтік қорғау министрлігінің әлеуметтік көмек көрсету жобалары. 

    Қызмет түрін алу үшін алдымен порталға авторизация жасау қажет. Яғни, өзіңіздің жеке ЭЦҚ кілтіңізді ашасыз. Оны қалай ашу керегін мына сілтемеге өтіп түсініп алсаңыз болады. Одан кейін басты бетте орналасқан «Электронды өтініштер» сервисін таңдап, әрі қарай қызметке тапсырыс бересіз. «Онлайн сұрау» сервисін таңдаған соң «құру» батырмасын басасыз. Одан әрі жаңа терезе ашылып, сол жерден «мемлекеттік көрсетілетін қызметтің атауы» бағанында қажетті көрсетілетін қызметті таңдап, бағандарды толтырып шығасыз. Кейін сол қызметке жауапты болып саналатын мемлекеттік органды белгілейсіз. Содан соң тиісті құжаттарды бірге тіркеп, өтінімге ЭЦҚ арқылы қол қойып, жолдайсыз. 

    «Электронды өтініштер» сервисі көмегімен мына қызметтерді онлайн алуға болады: 

•    Мүгедектерде протездік-ортопедиялық көмек ұсыну үшін оларға құжаттарды рәсімдеу; 
•    Мүгедектерді сурдо-тифлотехникалық және міндетті гигиеналық құралдармен қамтамасыз ету; 
•    Жүріп-тұруы қиын бірінші топтағы мүгедектерге жеке көмекшінің және есту кемістігі бар мүгедектерге ымдау тілі маманының қызметтерін ұсыну үшін мүгедектерге құжаттарды рәсімдеу; 
•    Мүгедек баланы тәрбиелеп отырған анаға немесе әкеге, бала асырап алушыға, қорғаншыға жәрдемақы тағайындау; 
•    Бала кезінен бірінші топтағы мүгедектің күтіміне байланысты жәрдемақы тағайындау; 
•    Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту; 
•    Жасына байланысты зейнетақы төлемдерін тағайындау; 
•    Мемлекеттік базалық зейнетақы төлемдерін тағайындау; 
•    Мемлекеттік арнайы жәрдемақылар тағайындау; 
•    Мемлекеттік атаулы әлеуметтік көмек тағайындау; 
•    Арнаулы мемлекеттік жәрдемақы тағайындау; 
•    Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау; 
•    Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру; 
•    Банкроттық салдарынан таратылған заңды тұлғалар қызметкерлердің өмірі мен денсаулығына зиян келтірген зиянды өтеу жөніндегі төлемдерді капиталдандыру кезеңі аяқталғаннан кейін ҚР азаматтарына ай сайынғы төлемдер түрінде әлеуметтік көмекті тағайындау; 
•    Ақталған адамға куәлік беру; 
•    Мүгедектігі және /немесе еңбек ету қабілетінен айырылу дәрежесін белгілеу және /немесе қажетті әлеуметтік қорғау шараларын айқындау; 
•    Медициналық-әлеуметтік мекемелерде (ұйымдарда) арнаулы әлеуметтік қызмет көрсетуге құжаттарды рәсімдеу; 
•    «Бастау Бизнес» жобасы бойынша кәсіпкерлік негіздеріне оқыту; 
•    Көпбалалы отбасыларға мемлекеттік жәрдемақы тағайындау; 
•    Жүкті болу мен босануға байланысты табысынан айырылу жағдайы бойынша әлеуметтік төлем тағайындау; 
•    Оралман мәртебесін беру немесе ұзарту; 
•    Мүгедектерге кресло-арбалар беру; 
•    Мүгедектерді санаторий-курорттық емдеумен қамтамасыз ету; 
•    Үйде күтім көрсету жағдайында арнаулы әлеуметтік қызмет көрсетуге құжаттар рәсімдеу. 

Қажетті құжаттар тізімімен және өтініш үлгісімен қызметті таңдаған кезде көрсетілетін сілтеме бойынша өтіп, порталда танысуға болады.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg