Қауіпті селфи жасамақ болған жасөспірім ауыр халде

Ол электр бағанасына шығып, 1,2,3,4 дәрежелі күйік алған

Фото: Polisia.kz

Алматы облысында смартфон камерасының көмегімен бірегей селфи-автопортрет жасауға әрекет жасаған кезде жазатайым оқиға тіркелді, – деп хабарлайды Polisia.kz сайты.

Алматы облысы Іле ауданы Чапаев ауылында 2005 жылы туған жасөспірім селфи – сурет түсірілімін жасау үшін, өзінің үйінің жанындағы көшедегі электр бағанасына шыққан. Электр тоғы соғуының нәтижесінде ол бағанадан жерге құлап, екі қолдың 1,2,3,4 дәрежелі электрлік күюін, жабық бас сүйек-ми жарақатын, мидың шайқалуы, беттің, дененің жұмсақ тіндерінің көптеген жаралары, төменгі еріннің және иектің тұсындағы құлатылған-жыртылған жаралар, екі білектің сүйектерінің сынуы, 1-2 дәрежелі травматикалық шок алған. Іле ауданының ауруханасына жатқызылған. Дәрігерлер жағдайын ауыр деп бағалайды.

Алматы облысы ТЖД селфи түсу кезіндегі қарапайым қауіпсіздік ережелерін ескертеді:

– автомобиль және теміржол жолдарының қауіпті учаскелерінде, биік үйлердің шатырларында, салынып жатқан немесе құрылысы аяқталмаған ғимараттарда, электр бағаналарында және басқа да электр жабдықтарында, жартастар мен жартастардың шетінде және өмір мен денсаулыққа қауіпті басқа да орындарда селфи жасамаңыз;

– қозғалыстағы автомобильдің және басқа көліктің терезесінен шығып селфи жасамаңыз;

– жақын жерде орналасқан қауіпті жануарлармен селфи жасамаңыз;

– аударылып кетуі мүмкін қайықтың және басқа да жүзу құралдарының шетіне тұрып селфи жасамаңыз;

Адам өзін суретке түсіруге тырысқанда, оның назары шашыраңқы, денесі тепе-теңдігін жоғалтады, жан-жағына қарамайды және қауіп-қатерді сезінбейді. Сіз қауіпсіз жерде және сіздің өміріңізде ешқандай қауіп жоқ екеніне көз жеткізіп барып қана селфи жасаңыз.


 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg