«Қарағанды – Балқаш» жолын қайта жаңарту жұмыстары жүргізілуде

 Үш мыңнан астам адам жұмыспен қамтылды

Фото: ҚР индустрия және инфрақұрылымдық даму министрлігінің Telegram каналы

Қарағанды облысында ұзындығы 363 шақырымды құрайтын республикалық маңызы бар «Қарағанды-Балқаш» автомобиль жолын қайта жаңарту жұмыстары жалғасуда. Жоба өңірдің әлеуметтік-экономикалық дамуына ықпал етіп, 3 мыңнан астам адам жұмыспен қамтылатын болады. Бұл туралы ҚР индустрия және инфрақұрылымдық даму министрлігінің Telegram каналы хабарлады.

Құрылыс жұмыстарын «СП КазГерСтрой» және CITIC Construction Co.Ltd. компаниялары жүргізіп жатыр. Қазіргі таңда тасжолдың барлық учаскелері қайта жаңартылуда. Мамандар жер қабатын дайындап, асфальт-бетон жабындысының төменгі және жоғарғы қабаттарын төсеуде. Жұмыстар жолдың жаңа жолағында жүргізіліп жатқанымен, қолданыстағы жол жаңа жолақтағы құрылыс жұмыстары аяқталмайынша бұзылмайды. 

Жобаға сәйкес тасжол 4 жолағы бар І-б техникалық санатындағы жолға сай болмақ. Жолды кеңейту учаскелердегі апаттылық деңгейін едәуір төмендетіп, жолдың автокөлікті өткізу қабілетін арттыра түседі. Бұдан бөлек, жолды қайта жаңарту аясында 28 көпір мен жол өтпелерінің, 377 су өткізгіш құбырдың, елді мекендер маңындағы демалыс орындары мен автопавильондардың құрылысы қарастырылған. 

Бүгінгі таңда мұндағы жұмыстарға техниканың 1366 бірлігі жұмылдырылды. Қайта жаңарту жұмыстары басталған кезде аталмыш жоба аясында 3282 жұмыс орны құрылғанын айта кету керек. 
Жаңа жолда көлік қозғалысы жыл соңына дейін ашылады.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg