Елімізде үшінші тамыздан карантин жеңілдейді

Сауда ойын-сауық орталықтары қайта ашылады

Фото: Асқар Ахметуллин

Елдегі эпидемиологиялық жағдайдың тұрақтануы карантин шараларын кезең-кезеңімен жеңілдетуге мүмкіндік береді. Бұл туралы бүгін үкімет отырысында  денсаулық сақтау министрі Алексей Цой мәлімдеді.

Министрдің айтуынша, Қазақстанда карантин режимі кезеңінде эпидемиологиялық жағдай тұрақталып, медицина ұйымдарының жүктемесі біршама азайған. 

"COVID-19-дан сауығып кеткендердің саны 63%-дан асты. Ауру жұқтырудың тәуліктік өсімі 4%-дан 1,7%-ға дейін азайды, стационарлардағы орындардың жүктемесі 46%-ға дейін, жедел жәрдемді шақыртулар саны 38%-ға төмендеді", - деді Цой. 

Ел өңірлері дәрі-дәрмек қорымен жеткілікті қамтамасыз етілген деп сендірді шенеунік. 

Осылайша үшінші  тамыздан бастап апта ішінде инфекция репродуктивтілігі көрсеткіші бірден төмен (R ≤ 1), ал төсек-орындар 70%-ке босап, өлім-жітім деңгейі төмендесе, бірқатар нысандардың жұмысын қайта жандандыруына рұқсат етілмек.

Олардың қатарында сауда-ойын сауық орталықтары, сауда орындары, сауда орталықтары, жабық азық-түлік және азық-түлік сатпайтын базарлар бар. Бұл нысандардың жұмыс уақыты шектеледі.

Сонымен қатар балалар коррекциялық орталықтар, үйірмелер, білім беру орталықтарына әр топтағы бала санын 5-тен асырмай жұмыс істеуіне рұқсат етіледі. Мектепке дейінгі білім беру мекемелері кезекші топтарды аша алады.

Сұлулық салондары, шаштараз, косметикалық және косметологиялық қызмет көрсететін сұлулық орталықтары алдын-ала жазылу арқылы жұмыс істейді. 

Мемлекеттік органдар және басқа да ұйымдар, кеңсе қызметкерлері 80/20 пайыз көрсеткішпен қашықтан жұмыс істеуі тиіс. 

Таза ауада қашықтық сақтай отырып, жеке және топтық жаттығулар жасауға рұқсат етіледі. Сондай-ақ ұлттық құрамалар 30-дан аспайтын адам жиналып жаттығу өткізе алады. Көше, парк, саяжайларда 3 адамнан серуендеуге болады. 

Қоғамдық көлікте маска тағылған, кондукторы бар, санитарлық  талаптарды сақтай отырып жүруіне рұқсат етіледі және көлікте 50 пайызға ғана жолаушы болуы тиіс. 

 Адамдар жаппай жиналатын шараларға, кинотеатрлар, фудкорттар, көңіл көтеретін ұйымдар, банкет залдары, ресторандар, барлар, түнгі және ойын клубтарының жұмысына, сондай-ақ мәдени шаралар, конференция, форум, көрме өткізуге тыйым салынады.

Бассейн, фитнес орталықтар, спорт орталықтары, бассейндер, аквапарктер, жағажайлардың жұмысына рұқсат жоқ. Діни нысандардың жұмысына тыйым салынған.

Қала маңындағы жолаушылар автобусының (жұмыс пойыздарынан бөлек, электричкалар) қозғалысына, ортақ вагон, қалааралық автобустардың (микроавтобустардың) қозғалысына шектеу қойылған. 

Қазақтанда өткен тәулікте 1526 адам коронавирус індетімен ауырғаны белгілі болды. Оның ішінде 656 адам клиникалық белгілері жоқ тасымалдаушы тіркелген. Ал1833 адам коронавирус індетінен емделіп шыққан. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg