Елімізде 31 шілде мен 1-2 тамыз — Құрбан айт күндері 

QURBAN2020.KZ сайты арқылы онлайн құрбандық шалуға тапсырыс беруге болады

Фото:Алматы әкімдігінің Telegram каналы

Карантиндік талаптарды сақтау үшін биыл Құрбан айт намазы мешіттерде оқылмайды. Әркім өз үйінде айт күні 2 ракат нәпіл намазын оқи алады. Мешіттердің жанында құрбандық шалу рәсімі өткізілмейді. Бұл туралы Алматы әкімдігінің Telegram каналы хабарлады.

 «Биыл әлемдегі және еліміздегі пандемиялық жағдайға байланысты карантин енгізіліп, еркін жүріп-тұру мен мешітте құлшылық рәсімдерін орындау мүмкін болмай отыр. Осы орайда, Қазақстан мұсылмандары діни басқармасы халқымыздың денсаулығын сақтау мақсатында "QURBAN-2020" Онлайн қайырымдылық акциясын ұйымдастыруды қолға алды», — деді бас имам. 

Оған арнайы QURBAN2020.KZ веб-сайты іске қосылып, онлайн құрбан шалудың жөн-жосығы мен алгоритмі түзілді. 

Айта кетейік, QURBAN2020.KZ сайтын пайдалануға қатысты нұсқаулық-роликтер мен материалдар ҚМДБ-ның ресми muftyat.kz және Алматы Орталық мешітінің azan.kz сайттарында жарияланған. 

«Сайт арқылы құрбандық шалуға тапсырыс беру және мұқтаж жандардың ет алуға өтініш қалдыруы 24-30 шілде аралығында жүргізіледі. Пандемиялық жағдай мен карантиндік талаптарға байланысты онлайн құрбандық шалуға тапсырыс бергендердің отбасылық үлестері берілмейді, құрбандық еттері толығымен мұқтаждарға үйлеріне жеткізіліп, үлестіріледі», — деді Е. Шоқай.

Бұл жобаны Алматыда іске асыру үшін еріктілерден құралған арнайы штаб осымен үш күннен бері жұмыс жасауда. Бұл туралы онлайн-брифинг кезінде Алматы қаласының бас имамы Еркінбек Шоқай мәлімдеді.

Бас имамның айтуынша, әрбір құрбандық шалуға тапсырыс берген кісінің құрбандығының шалынғаны жөнінде сурет пен видеоға түсіріліп, есебі беріледі деді.  

Алматы қаласы бойынша екі күнде 55 қой, тоқты, ешкі секілді ұсақ малды және 1 ірі қараны құрбан шалуға тапсырыс түскен.

Брифинг кезінде белгілі болғандай, жаназа рәсімін өткізуге енді тек 10 адамнан артық жиналуға болмайды. 

 «Еліміздегі індет жағдайына байланысты ҚМДБ-ның жаназа рәсімдеріне қатысты жаңа мәлімдесі шықты. Ол мәлімдеме бойынша жаназа намазына 10 адамнан артық жиналуға болмайды. Жаназа намазына тұрғанда әлеуметтік арақашықтықты сақтай отырып өткізейік. Егер де өмірден өткен адамның жаназа намазын имаммен бірге 3 кісі ғана өтеген болса, ол жаназа намазы жамағатпен бірге өткізілген болып есептеледі. Өткен рухтарға бағышталып берілетін астарды уақытша кейінге қалдырайық. Өйткені дерттің қаупін өз көзімізбен күнделікті көріп отырмыз», — деген бас имам жетісі, қырқы деген секілді шараларға қарт кісілердің қауіпсіздігі үшін олардың бармауын баса айтты. 

Естеріңізге сала кетейік, қазір Зұлхижжа айының алғашқы он күні қасиетті күндер болып есептелінеді. Сондықтан осы кезде ынтамен ғибадат етіп, көбірек ізгі іс жасаған жөн. Арапа күні биыл 30 шілдеге сәйкес келеді, ораза тұту – сүннет деді спикер.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстанда карантинді біртіндеп жеңілдету жоспарланып отыр

Елдегі эпидемиологиялық ахуал тұрақтанған

Фото: Асқар Ахметуллин

Үкімет басшысы Асқар Мамин Денсаулық сақтау министрлігіне карантин шараларын кезең-кезеңімен алып тастау жоспарын мемлекеттік комиссия қарауына ұсынуды тапсырды. 

Денсаулық сақтау министрі Алексей Цойдың айтуынша, елдегі эпидепиологиялық ахуалдың біршама тұрақтануы 5 тамызға дейін жариялаған карантинді біртіндеп жеңілдетуге мүмкіндік береді. 

Қазіргі кезде елімізде коронавирус жұқтырғандардың саны 100 мыңнан асып, соның ішінде  73702 пациент емделіп шықса, 1269 адам қайтыс болды. Сонымен қатар КВИ белгілері бар пневмонияны 13 337 адам жұқтырған, бұл аурудан 173 адам көз жұмды. 

«Жалпы қабылданған кешенді шаралардың нәтижесінде еліміздегі коронавирустың таралуы деңгейі және осыған байланысты барлық көрсеткіштер қарқынды төмендеуі тіркеліп отыр. Соның ішінде вирустық репродуктивтілік деңгейінің орташа көрсеткіші 0,82 пайызға дейін төмендеді. Емделіп шыққандардың үлесі 73,6 пайызды құрап отыр», - деді Асқар Мамин Үкімет отырысында.

Алексей Цой  келтірген мәлімет бойынша, вирус репродуктивтілігі немесе 1 науқастың өзгелерге жұқтыру көрсеткіші 1,72 болатын. Карантин енгізгеннен кейін репродуктивтілік көрсеткіші екі есе, 0,82-ге дейін төмендеген. Бес апталық каран ин кезінде ауру-сырқауда азайған. Керентинге дейін 100 адамғар шақққанда 56,73 адама вирус жұқтырса, шектеу шараларының арқасында бұл сан 36,2 дейін азайған. 

Осы аралықта ауруханадағы орындар жүктемесі 62%-ға азайған. Мобильді бригадалардың қатары 7,6 есе өсіп, қазір 3640 бригада жұмыс істеп тұр. Жедел жәрдем шақыру 62%-ға,  жалпы ел бойынша аурудың күн сайынғы өсімі 2 есе төмендеген. 

«Караннтиді тек қатаң түрде маска тағып, бұкіл ақпарат арналары арқылы  халық арасында түсіндіру жұмыстарын кеңінен жүргізу арқылы ғана жеңілдету керек», – деді Цой. 

Карантин шараларын кезең-кезеңімен жеңілдету жайлы нақты жоспар бейсенбі күнгі үкімет отырысында қаралатын болады. 

 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg