Елімізде 2021 жылдан бастап «Цифрлы сауаттылық» пәні 1-сыныптан бастап енгізіледі

Оқушылар сарайында робот техникасы кабинеттері ашылды

Фото: ҚР Білім және ғылым министрлігінің ресми Telegram-каналы

2030 жылға дейін оқу орындары жаңа формациядағы 3 млн-нан астам маман даярлайды. Бұл туралы  ҚР Білім және ғылым министрлігінің ресми Telegram-каналы хабарлады.

Орта білім

2021 жылдан бастап «Цифрлы сауаттылық» пәні 1-сыныптан бастап енеді.

25 арнаулы IT-лицей ашылды, 447 STEM зертханасы мен 2 мыңға жуық робот техникасы кабинеті ұйымдастырылды.

Оқушылар сарайында 560-тан астам технопарк және робот техникасы кабинеттері ашылды.

Педагогтер IT сауаттылығын арттыру курстарынан өтеді.

Колледж

Цифрлық сала үшін мамандар даярлауды жүзеге асыратын жетекші колледждердің базасында 31 жаңа бағдармалар енгізіледі.

Жоғары білім беру

IT  мамандығы бойынша 51 мыңнан астам студент оқиды.

326 кәсіптік стандарттардың негізінде ІТ бағыты бойынша 95% бағдарлама жаңартылды.

ІТ саласының білікті мамандары университеттерде сабақ бере алады.

«Қазақстанның ашық университеті» тегін онлайн-курстар ұсынады.

Ғылым

49 ғылыми жоба іске асырылып жатыр.

Қуаты 3000 терафлопс суперкомпьютерлері қолданылуда.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg