Дексаметазонды үйде қолдануға болмайды

Бұл дәрі тек стационарлық жағдайда ғана  рұқсат

Фото: Shutterstock

Бұл туралы Алматы қалалық балалар клиникалық инфекциялық  ауруханасының бас дәрігері Ержан Сералин COVID-19-ды емдеу және стационарды дәрі-дәрмекпен қамтамасыз ету сұрақтары бойынша өткен өңірлік коммуникация қызметінің алаңында өткен онлайн-сұхбат барысында айтты. Бұл туралы Алматы әкімдігінің Telegram каналы хабарлады.

  «Барлық жерде дексаметазонды қолдану қажет деген ақпарат кең таралған. Өкінішке қарай, бұл препаратты үйде қолданып бастаған адамдар бар.  Препараттың бұл түрін тек стационарлық жағдайда ғана  қолдануға болатындығын тағы да қайталап айтқым келеді», — деді Ержан Сералин, сонымен бірге ол бұл дәрінің міндетті түрде тек  дәрігердің бақылауында болғанда және талдауларды түзетуде   тағайындалатынын қоса кетті.  

Сондай-ақ, дәрігер тұрғындарды әлеуметтік желілерде жарияланып жатқан препараттарды қолданудан бас тартуға шақырды. 

  «Өкінішке қарай, интернетте,  әлеуметтік желілерде осы вирустық инфекцияны емдеу үшін көрсетілмеген бірнеше препараттар туралы көптеген ақпараттар бар. Қайдан шыққаны туралы мәліметі мүлдем жоқ препараттар қолданылып жатыр. Күнделікті ауруханаларда емдеу кезінде мұның бәрі қандай асқынуларға әкеліп жатқандығын көріп жүрміз», — деді Ержан Сералин.

Өзін-өзі емдеу және тағайындалмаған антибиотиктерді, белгісіз препараттарды қолдану нәтижелері ауыр асқынуларға алып келетіндігін есте ұстаған жөн.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg