Алты облыс аумағында ауа райына байланысты ескерту жарияланды

Кей жерлерде тұман түсуі мүмкін

Фото:alashainasy.k

Еліміздегі алты облыс аумағында қолайсыз ауа райына байланысты ескерту жарияланды, деп хабарлайды ҚазАқпарат Қазгидрометке сілтеме жасап. 

27 шілдеде Ақмола облысының кей жерлерінде найзағай, бұршақ, солтүстік-шығыстан соғатын желдің күші 15-20 м/с жетеді. Түнде және таңертең кей жерлерде тұман түсуі мүмкін. Нұр-Сұлтанда күр күркіреп, найзағай жарқылдайды. 

27 шілдеде түнде Маңғыстау облысының кей жерлерінде найзағай ойнайды. Жел солтүстік-шығыстан соғады, күндіз кей жерлерде жылдамдығы 15-20 м/с жетеді. Күндіз өңірдің оңтүстігінде 40 градус қатты ыстық сақталады.

27 шілдеде күндіз Павлодар облысының кей жерлерінде найзағай ойнап, солтүстік-батыстан соғатын желдің екпіні нөсер кезінде 18 м/с жетеді. Түнде және таңертең кей жерлерде тұман түсуі мүмкін. Ертең күндіз Павлодар қаласында найзағай жарылдайды. Солтүстік-батыстан соғатын желдің жылдамдығы нөсер кезінде 18 м/с жетеді.

 27 шілдеде Қостанай облысының кей жерлерінде найзағай ойнап, күндіз кей жерлерде дауыл соғады, бұршақ жаууы ықтимал. Түнде және таңертең кей жерлерде тұман түседі. Солтүстік-шығыстан жел соғады, кей жерлерде екпіні 15-20 м/с жетеді. 

27 шілдеде Солтүстік Қазақстан облысында кей жерлерде найзағай ойнап. Күн күркірейді. Күндіз кей жерлерде бұршақ жаууы мүмкін. Түнде және таңертен кей жерлерде тұман түседі. 

27 шілдеде күндіз Қызылорда облысында солтүстік-шығыстан жел соғады, кей жерлерде жылдамдығы 15-20 м/с жетеді. Өңірде өте жоғары өрт қаупі сақталады.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg