Алматыда пневмониямен ауырған науқастар саны екі есеге азайды

КВИ емдеуге жұмылдырылған медициналық ұйымдар үшке бөлінді

Фото: Shutterstock

Алматының ковидті стационарларындағы толымдылық 49% азайған. Бұл туралы Алматы қаласы әкімдігінің Telegram каналы хабарлады.

Қайғылы статисиканы азайту үшін не істелуде, өлім санын азайту үшін қандай шаралар қабылдануда?

Бұл туралы өңірлік коммуникациялар қызметінің алаңында өткен онлайн-брифинг барысында Алматы қаласының Қоғамдық денсаулық сақтау басқармасының басшысы Камалжан Надыров хабарлады.

  «Осыған дейін мен барлық стационарларды науқастардың ауыр жағдайларына қарай бөлу қағидасы – эшелондау жайлы айтқан болатынмын, — деп сұраққа қоғамдық денсаулық сақтау басқармасының басшысы жауап берді. — Бүгінде эшелондаудың халықтың игілігі үшін қызмет ететінінің көрсеткіштерінің бірі жататын орындарға қол жетімділік. Егер осыған дейін стационарларда адам саны 90% жетсе, бүгінде бұл көрсеткіш 49%-ға төмендеген.

Қазіргі уақытта КВИ емдеуге жұмылдырылған медициналық ұйымдар үшке бөлінген.

Бірінші санат өте ауыр және ауыр жағдайдағылар үшін. Бұл стационарлар құралдармен және кезек күттірмейтін міндеттерді шешуде барлық қажеттілермен қамтамасыз етілген. 

Екінші эшелон — ауру деңгейі орташа ауырлықтағы науқастар үшін. Біз бұл жерде 1705 жататын орны бар қайта жарақталған емханалар базасында жұмыс істеудеміз.

Үшінші эшелон — емді аяғына дейін жеткізуге арналған обсерваторлар. Оларға біз жататын орын қуаты 2376 болатын 7 ұйымды жатқызамыз. Жататын орындардың 1000-ы Халық-Арена базасында құрылған кешенге тиесілі.

Соңғы айда Алматыда пневмониямен науқастанған пациенттер саны екі есе азайды.

COVID-19 коронавирусының пандемиясы жалғасуда. Осы дерттен бөлек, қала стационарларына пневмониямен науқастанған пациенттер де түсуде. 

  «Жыл басынан бері пневмониямен ауырған  6175 пациент емделді, — деп хабарлады қоғамдық денсаулық сақтау басқармасының басшысы. — Бүгінде жағдай тұрақталды. Аурухана жатқызылатындар саны 2 есе азайды және тәулігіне 133-тен аспайды».

 Пневмониямен емханаға келген науқастардың саны ағымдағы айда екі есе азайған (480 шағымданушы).
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg