Алматыда дәріханаларда  дәрі-дәрімектің бар-жоғын бақылайтын мониторингтік топ құрылады

 Бұл топтар қаладағы дәріханаларды күн сайын аралайтын болады

Фото: Shutterstock

Коронавирус инфекциясы мен жедел респираторлық аурулардың таралуын ескерту, халықтың қауіпсіздігін қамтамасыз ету мақсатында Алматы қаласының бас мемлекеттік санитар дәрігерінің қаулысына сәйкес карантин кезінде фармацевтикалық қызметті жүзеге асыру аясында қаланың дәріхана ұйымдарын дәрі-дәрімекпен қамтамасыз ету мәселелері бойынша мониторингтік топ құрылады. Бұл туралы Алматы әкімдігінің ресми Telegram-каналы хабарлады.

Аталған топтарды Алматы қаласының Тауарлар мен қызметтердің сапасы мен қауіпсіздігін бақылау департаменті мен Алматы қаласының және облысының Кәсіпкерлік және инвестициялар басқармасымен, сонымен бірге, ҚР фармацевтика қызметін қолдау және дамыту қауымдастығымен бірлесіп құрмақ. 

Мониторингтік топтар қаладағы дәріханаларды күн сайын аралайтын болады. Мониторинг барысында  саудадағы дәрілік құралдардың 41 атауына ерекше көңіл бөлінбек, соның ішінде нақты мына препараттар: «Тромбопол», «Кардиомагнил», «Аспирин», «Тромбо асс», «Аспирин-Кардио», «Ксарелто 15», «Азитро 500», «Азитрокс 500», «Азитромицин 500», «Азицин 500», «Заха 500», «Зитмак 500», «Зитрокс 500», «Сумамед 500», «Амоксиклаб», «Аугментин», «Амоксиклав», «Клавам», «Флемоклав Солютаб», «Цефиксим», «Цефим», «Супракс солютаб», «Супракс 24», «Токсим-О», «Тамифлю», «Осельтамивир»,  «Инфлюцеин», «Флувир», «Номидес», «Ингавирин 90», «Эргоферон», «Кагоцел», «Арпефлю», «Парацетамол», «Эффералган», «Панадол», «Нурафен», «Ибупрофен», «Новиган», «Миг 400», «Нимесулид».

Сонымен бірге, бірқатар дәріхана ұйымдары күн сайын белгіленген тізімге сәйкес, дәрілік құралдардың бар-жоғы жайлы ақпарат беріп отырады.

Осылайша, аталған шаралар халықты медикаменттермен үздіксіз қамтуға және үйде емделетін науқастарға жағдай жасауға мүмкіндік береді. Сонымен бірге, дәрілік препараттардың бағасын қадағалау мақсатында дәріхана ұйымдарының басшыларына Денсаулық сақтау министрлігінің 2019 жылдың 15 шілдедегі «Дәрілік құралдың бөлшек жіне көтерме саудада сатылатын атауының шекті бағаларын бекіту туралы»№ ҚР ДСМ-104 бұйрығына сәйкес бөлшек саудада шекті бағаны сақтау қажеттігі қатаң ескертіледі.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg